Transportforsikring
Transportforsikring passar for transportørar som fraktar eigne varer. Vi tilbyr både forsikring av enkeltforsendingar og årsavtalar, avhengig av ditt behov.
Transportforsikring
Dekker økonomisk tap viss varer blir skada eller borte under transport.
Kan utvidast med avbrotstap, termoklausul og vrakfjerning.
Kan bli tilpassa med spesialavtale og val av tilleggforsikringar.
Transportansvar og forsikring
Det er naturleg å tenke at skadar på lasten er transportøren sitt ansvar og ikkje du som eig vara. Då er det viktig å vere klar over ein ting: Ifølge norsk og internasjonal lov, er transportøren sitt ansvar sterkt avgrensa. Transportøren er ansvarleg for tap som skuldast at dei har vore uaktsame eller gjort noko som er uforsvarleg eller uakseptabelt. Det vil seie at viss transportøren kolliderer, men ikkje har vore uaktsam eller kan noko for at ulukka skjedde, så kan ein ikkje krevje erstatning frå transportøren.
Sjølv i tilfelle der transportøren er ansvarleg for ei skade, er beløpet dei er ansvarlege for, svært avgrensa. Avgrensinga av erstatninga blir berekna per kg i SDR (special drawing rights). I praksis betyr dette at ein kan risikere at dyre varer blir erstatta til ein symbolsk pris.
Med ein transportforsikring er det den som eig varene, som er forsikra. Viss du ønsker å forsikre varer du transporterer for kundane dine - sjå godsansvarsforsikring.
Kva dekker transportforsikring?
Forsikring dekker det økonomiske tapet viss ei vare blir utsett for skade eller tap under transport. Du kan velje to avtaletypar og ulike dekningar, avhengig av bedrifta sine behov.
Omsetning av varer
Omsetning av varer
Denne dekninga passar for bedrifter som vil ha årsavtale for alle transportar i inn- og utland, og som anten ber risikoen eller må forsikre vara etter avtalte leveringsbetingelsar. Vi beregnar prisen ut frå anslått årleg omsetning for varer bedrifta skal transportere.
Tidsforsikring
Tidsforsikring
Tidsforsikring
Denne dekninga passar for eigedelar bedrifta skal transportere i Norge. Den brukast gjerne av kundar som treng enkeltforsikring eller årsavtale, for eksempel når dei fraktar ei utstilling av bilar, båtar, utstyr eller arbeidsmaskiner frå stad til stad.
Eigne varer i eigne bilar
Eigne varer i eigne bilar
Eigne varer i eigne bilar
Denne dekninga er tilpassa bedrifter som vil ha årsforsikring for transport av eigne varer i eigne bilar, og som transporterer varer som har mindre verdi. Viss bedrifta har varer med større verdi, tilrår vi heller dekninga for omsetning av varer.
Eingongsforsikring
Eingongsforsikring
Eingongsforsikring
Eingongsforsikring dekker transport av varer og ting éin gong, for ein strekning bedrifta oppgir på førehand og som varer i ei bestemt tid. Forsikring passar både for bedrifter og privatpersonar.
Tilleggsforsikringar
Tilleggsforsikringar
For desse tillegga må vi inngå spesialavtale:
- Avbrotsforsikring:
Tap ved ventetid på ein fast stad. Gjeld kun for Omsetning av varer på A-vilkår. - Termoklausul:
Tap på grunn av temperaturinnverknad under transport. - Vrakfjerning:
Kostnadar med å fjerne totaløydelagde (forsikra) varer ved transport.
Eigenandelar
Eigenandel
| Eigenandelar |
| 10.000 kroner (Standard) |
| 15.000 kroner |
| 30.000 kroner |
| 50.000 kroner |
Vilkår for transportforsikring av varer
A-vilkår: Alle farer
A-vilkår: Alle farer
A-vilkår: Alle farer
Dette vilkåret dekker alle farer som varene kan bli utsett for under transport.
Brukast ofte for varer som ikkje toler så mykje.
B-vilkår: Utvida transportulykke
B-vilkår: Utvida transportulykke
B-vilkår: Utvida transportulykke
Dekker skadar/tap som skuldast at transportmiddelet har vore utsett for ei ulykke, for eksempel utforkøyring, akselbrot eller grunnstøting. I tillegg dekker vilkåret brann, naturskade, varer som kastast eller blir skylte over bord, skade ved flaum, fullstendig tap av heile kolli når ein lastar og lossar, flytting av varer i nødhavn og felleshavari.
Denne forsikringa blir ofte brukt for varer som toler mykje og brukte ting. Vi tilrår denne som som minimum for all sjøtransport.
C-vilkår: Transportulykke
C-vilkår: Transportulykke
C-vilkår: Transportulykke
Eit avgrensa vilkår som dekker skadar som skuldast at transportmiddelet har vore utsett for ei ulykke eller for brann, naturskade og felleshavari.
Brukast ofte for varer som toler mykje, men som allereie har ein del manglar eller skadar.
Vilkår og produktinformasjon
Vilkår og IPID
Har du allereie transportforsikring hos oss, må du logge inn og laste ned vilkåra som gjeld for bedrifta di.
Nedanfor kan du laste ned standardvilkåra som er utgangspunktet, dersom du kjøper forsikring i dag. Det er viktig å vite at du får skreddarsydd forsikringsavtalen og vilkåra etter behova til bedrifta.
Enkeltforsikring eller årsavtale?
Vi tilpassar forsikringa etter kvar leveringvilkår (incoterms) som gjeld. Vi tilbyr to typar avtaler:
Enkeltforsikring
Enkeltforsikring passar når du ønsker å forsikre èi enkelt sending.
Årsavtale
Årsavtale passar når du fraktar varer eller eigedelar heile tida, heile året.
Har du hatt skade eller uhell under transport?
Andre relevante forsikringar for bedrifta
Kva lurer andre på?
Special Drawing Rights (SDR) («Spesielle trekkrettar» på norsk) er eit internasjonalt betalingsmiddel oppretta av Det internasjonale pengefondet (IMF) i 1969. Ein SDR er ein rett til å byte til utanlandske valutar.
Kurset på éin SDR (special drawing rights) bereknast ut frå verdien på fem utvalde valutar: amerikansk dollar, euro, kinesisk yuan, japansk yen og britiske pund. SDR-kurset svingar og ligg vanlegvis på rundt 10-11 kroner, men per dags dato (Juli 2024) er det på ca 14 kroner.
Erstatninga bereknast slik:
| Transport | Kurs på SDR per kilo |
| Norge, alle typar transport | 17,00 SDR |
| Landeveg, internasjonalt | 8,33 SDR |
| Luft | 17,00 SDR |
| Jernbane | 17,00 SDR |
| Sjø | 2,00 SDR |
Incoterms står for International Commercial Terms.
Incoterms er ei samling leveringsbetingelsar som kort og enkelt fortel kven som skal ta kostnadane, ansvaret og risikoen for varetransporten, og når ansvaret går over frå seljar til kjøpar. Desse standardiserte reglane blir brukte i nasjonale og internasjonale handelstransaksjonar for å klargjere forpliktingane mellom seljar og kjøpar når det gjeld forsendelse av varer.
ICC (International Chamber of Commerce) publiserte dei fyrste Incoterms-reglane i 1936, og den nyaste versjonen, Incoterms 2020, vart teke i bruk frå 1. januar 2020. Valet av Incoterms kode skal vere oppført i handelsfakturaen.
Incoterms 2020
Incoterms 2020 består av 11 forskjellige koder som gir ei oversikt over dei forskjellige stadiane i transaksjonen. Dei 4 kodane (FAS, FOB, CFR og CIF) gjeld kun ved sjøfrakt. La oss sjå på kvar kode og kva dei betyr for deg:
EXW (Ex Works)
Risikoen går over til kjøparen når seljaren stiller vara til disposisjon på avtalt stad der seljaren har fabrikken eller lageret sitt (det betyr ikkje lasta opp på transportmiddel ved henting).
Kjøparens ansvar:
- Lasting
- Transport
- lossing
- tollklarering (både eksport og import)
- forsikring*
FCA (Free Carrier)
Risikoen går over til kjøparen når seljaren har levert vara til fraktføraren utpeika av kjøparen på bestemmelsesstaden.
Seljarens ansvar:
- levere vara til fraktførar utpeika av kjøpar
- klarere for eksport
Kjøparens ansvar:
- oppnevn ein fraktførar
- inngå ein fraktavtale
- betale for frakt til destinasjon
CPT (Carriage Paid To)
Risikoen går over til kjøparen når seljar har levert vara til første fraktførar.
Seljars ansvar:
- inngå ein fraktavtale
- betale for frakta til bestemmelsesstaden
- klarere for eksport
- betale laste- og lossekostnader (viss desse er inkludert i frakta)
Kjøpar skal motta vara på avtalt bestemmelsesstad og betale lossekostnader (viss desse ikkje er betalt av seljar).
CIP (Carriage and Insurance Paid To)
Risikoen går over til kjøparen når seljar har levert vara til første fraktførar.
Seljars ansvar:
- inngå ein fraktavtale
- betale for frakta
- kjøpe transportforsikring** fram til bestemmelsesstaden
- betale kostnadar for lasting og lossing (viss desse er inkludert i frakta)
- klarere vara for eksport
Kjøparen skal motta vara på bestemmelsesstaden og betale lossekostnadar (viss desse ikkje er betalt av seljaren). Forsikringsbekreftelse bør krevjast.
DAP (Delivered at Place)
Risikoen går over til kjøparen når vara er levert klar for lossing frå transportmiddelet på bestemmelsesstaden.
Seljarens ansvar:
- inngå fraktavtale
- betale frakta til bestemmelsesstaden
- bære kostnadar for eksport- og transittklarering
- klargjere godset for lossing
- kjøpe transportforsikring*
Kjøpars ansvar:
- motta vara på avtalt bestemmelsesstad
- betale kostnadar for lossinga frå transportmiddelet
- betale kostnadar for importklarering og eventuell vidaretransport
DPU (Delivered at Place Unloaded)
Risikoen går over til kjøparen når vara er levert i ei hamn, flyplass, jernbanestasjon, fabrikk, terminal eller liknande. Tidlegare kalla DAT.
Seljars ansvar:
- inngå fraktavtale
- betale frakta (liner terms)
- betale for eksport- og transittklarering
- levere vara ferdig lossa på avtalt bestemmelsesstad
- Transportforsikring
Kjøpars ansvar:
- motta vara på bestemmelsesstad
- klarere for import
DDP (Delivered Duty Paid)
Risikoen går over til kjøparen når vara er stilt til disposisjon på avtalt stad i importlandet.
Seljars ansvar:
- levere vara på avtalt bestemmelsesstad
- bære all risiko og kostnadar forbunde med forsendinga dit
- klargjere for eksport og import
Kjøpar skal motta vara på avtalt bestemmelsesstad.
FAS (Free Alongside Ship)
Risikoen for vara går over til kjøparen når den er levert ved sida av skipet.
Seljaren skal levere vara til avtalt hamn og klarere den for eksport.
Kjøpar sitt ansvar:
- oppnemne fraktførar
- inngå fraktavtale
- betale for frakta
- kjøpe transportforsikring* for varene under sjøtransporten
FOB (Free On Board)
Risikoen for vara går over til kjøparen når vara er om bord i skipet. Ved containerfrakt og Roll-on/Roll-off blir det tilrådd å bruke FCA.
Seljaren sitt ansvar:
- levere vara om bord
- betale for lasting og alle kostnadar i lastehamna
- klarere for eksport
Kjøpar sitt ansvar:
- oppnemne fraktførar
- inngå fraktavtale
- betale frakta inkludert lossekostnadar
CFR (Cost and Freight)
Risikoen for vara går over til kjøparen når vara er om bord i skipet. Ved containerfrakt og Roll-on/Roll-off, blir CPT anbefalt.
Seljar sitt ansvar:
- levere varene om bord
- inngå fraktavtale
- betale frakta fram til bestemmelseshamn
- betale lossekostnadar viss desse er inkludert i frakta
- klarare for eksport
Kjøpar skal motta vara i avtalt bestemmelseshamn betale for lossing (viss desse ikkje er betalt av seljar).
CIF (Cost, Insurance and Freight)
Risikoen for vara går over til kjøparen når vara er om bord i skipet. Ved containerfrakt og Roll-on/Roll-off, tilrår å bruke CIP.
Seljars ansvar:
- inngå fraktavtale
- betale frakta
- kjøpe transportforsikring** til bestemmelseshamn
- betale for lossinga (viss denne ikkje er inkludert i frakta)
- klarare for eksport
Kjøpars ansvar:
- motta vara i avtalt bestemmelseshamn
- betale for lossing (viss denne ikkje er inkludert i frakta)
- klarare for import
Forsikringsbekreftelse bør krevast.
* ingen krav til forsikring
** krav til forsikring (erstatning fell på kjøpar ved skade/tap under hovedtransporten)
Kontakt oss så hjelper vi deg med rådgjeving rundt transport-, køyretøy- og godsforsikringar.
Enkelt forklart ligg forskjellen mellom godsansvarsforsikring og transportforsikring i kven som fraktar varene som skal forsikrast. Altså om du transporterer eigne varer eller fraktar varer for kundane dine.
Godsansvarsforsikringa dekker det rettslege ansvaret du som sjåfør eller eigar av kjøretøyet har etter vegfraktlova, for skade på varer du transporterar for andre – med eige køyretøy.
Transportforsikring dekker skade på eigne varer, uavhengig av kven som transporterar dei.
Altso passar godsansvarsforsikring for deg som frakter varer for kundane dine, mens transportforsikring passar deg som transporterar eigne varer.
Kontakt oss så hjelper vi deg med rådgjeving rundt bedriftsforsikringane dine.
Vareforsikring blir tilbydd i hovudsak i to variantar. Varer på lager blir forsikra med ei varelagerforsikring, medan varer som sendast kan bli forsikra med transportforsikring eller godsansvarsforsikring.
Forsikring av varelager
Hvis du for eksempel driv innan varehandel, kan du forsikre varebehaldninga di med ein lausøyreforsikring (også kalla bedrifta si innbuforsikring eller eigedomsforsikring). Du kan velje mellom Brann, Standard eller Topp, og du kan tilpasse forsikringa til bedrifta sitt behov, med tilleggsforsikringar for eksempelvis frysevarer, kjølevarer, tank osv. Du kan også forsikre auka av varebehaldninga i delar av året – for eksempel i samband med sommarferien, jul og påske.
Les meir om lausøyreforsikring.
Forsikring av varer som blir transporterte
Om du fraktar eigne varer, tilbyr vi transportforsikring. Vi tilbyr både transportforsikring av enkeltforsendingar og årsavtalar, avhengig av ditt behov. Dekker økonomisk tap viss varer blir skada eller borte under transport. Forsikring kan utvidast til å òg dekke avbrotstap, termoklausul og vrakfjerning.
Les meir om transportforsikring.
Om du fraktar andre sine varer og har forsikra lastebilen hos oss, tilbyr vi godsansvarsforsikring. Godsansvarsforsikringa dekker det rettslege ansvaret som eigar av køyretøyet eller sjåfør har for skade på varer og gods, samt forsinka leveranse. Erstatningsberekninga følger reglane i lov om vegfraktlova.
Les meir om godsansvarsforsikring.
Yrkesskade er fysiske og psykiske skadar og sjukdomar som fører til medisinsk invaliditet, arbeidsuførheit eller død. Ein yrkesskade oppstår som følgje av arbeidssituasjonen. Yrkesskade er personskade, yrkessjukdom eller dødsfall som er forårsaka av arbeidsulykke, arbeidsprosessar og påverknad frå skadelege stoff.
Ein yrkesskade må ha skjedd i arbeidstida og medan den tilsette gjorde oppgåver for arbeidsgjevaren, både på eller utanfor fast arbeidsstad. Belastningsskader eller psykiske lidingar som har utvikla seg over tid er ikkje ansett som yrkesskader.
Har bedrifta yrkesskadeforsikring hjå oss kan denne òg utvidast med forsikring for anna sjukdom og fritidsulukesforsikring.
Har du fått påvist ein godkjent yrkesskade har du krav på utbetaling både frå folketrygda og frå yrkesskadeforsikringa. Meld yrkesskade til Fremtind.
Belastningsskader er definert som skader, plager og lidingar knytt til muskel- og skjelettet, som har utvikla seg gradvis over tid på grunn av overbelastning eller feil belastning.
Som hovudregel er ikkje ein belastningsskade å ansjå som ein yrkesskade, og er difor ikkje dekka av yrkesskadeforsikring, etter yrkesskadeforsikringslova.
Dersom arbeidsgivar har utvida yrkesskadeforsikring med annan sjukdom, kan du ha rett til erstatning frå denne forsikringa.
Les også:
Kva er yrkesskade?
Kva er ménerstatning?
Kva er medisinsk invaliditet?
Kor mykje får den tilsette i yrkesskadeerstatning?
Kva er yrkesskadeforsikring?
Forsikringsselskapet vårt er Fremtind Forsikring
Du kjøper forsikringa di hjå SpareBank 1, og den dagen du må bruke den, kontaktar du forsikringsselskapet vårt Fremtind Forsikring.