Tips og råd
Depositumskonto
Skal du leige bustad, eller leige ut bustad? Då er det vanleg at utleigar og leigetakar opprettar ein depositumskonto saman.
Utleigar opprettar depositumskonto i nettbank eller mobilbank.
Verken utleigar eller leigetakar kan ta ut pengar frå kontoen.
Depositumet kan svare til maks seks månaders husleige.
Derfor må de opprette ein depositumskonto
Sikkerheit for at husleiga blir betalt
Viss husleiga ikkje blir betalt kan huseigar krevje at depositumet går til å dekke husleiga.
Skader og hærverk på bustaden
Skade utover uhell og vanleg slitasje kan dekkast av depositumet.
Pengane står trygt i banken
Pengane blir ikkje betalte ut utan at det er avtalt eller einigheit om det.
Prisar
- 0,20 % frå første krone
- Etableringsgebyr ved oppretting av depositumskonto i mobilbank og nettbank er 500 kroner
- Etableringsgebyr ved oppretting av depositumskonto ved eit kontor er 1 000 kroner
Slik skaffar de ein depositumskonto
- Utleigaren må vere kunde hos oss, og kan opprette og signere for ein depositumskonto i nettbanken sin eller mobilbank.
- Leigetakaren får ei melding på SMS og e-post når avtalen kan signerast. Viss du som skal leige ikkje er kunde hos oss, kan du enkelt bli kunde og signere med BankID.
- Både utleigar og leigetakar må signere avtalen før depositumskontoen blir oppretta. Fristen for å signere er 14 dagar.
Sånn! Då er det berre å laste opp flyttebilen.
Når depositumet skal betalast ut
- Gå gjennom bustaden saman for å sjå om han er i den standen de avtalte. Bruk gjerne eit standard tilbakeleveringsskjema for å vere sikker på at de får med dykk alt.
- Er bustaden i avtalt stand, gir utleigaren beskjed til banken om at depositumet kan utbetalast til leigetakaren.
- Utleigar kan ha krav på heile eller deler av depositumet dersom leigetakar ikkje har overhalde avtalen i leigekontrakten. Dette kan til dømes vere manglande betaling av husleige eller skadar utover vanleg slitasje.
- Dersom du er leigetakar og usamd i at depositumet blir utbetalt til utleigar kan du ta kontakt med banken og be om at du får depositumet utbetalt. Banken vil då sende eit varsel til utleigar som må sende inn dokumentasjon på kravet sitt innan 5 veker. Forbrukarrådet har også ei oversikt over framgangsmåte om det oppstår usemje om depositumet mellom utleigar og leigetakar.
Skal du leige ut huset?
Då kan det vere lurt å ha utleigeforsikring knytt til husforsikringa din. Dette vel du når du kjøper husforsikring.
Kva lurer andre på?
Dersom de er fleire leigetakarar av same bufellesskap eller leilegheit må kvar enkelt leigetakar opprette eigen depositumkonto med utleigar. Det er berre tillate med éin leigetakar per depositumkonto.
Leigetakar er eigar av depositumkontoen saman med utleigar som disponerer kontoen.
Det raskaste er å opprette ein depositumskonto i nettbanken eller mobilbanken. Den som skal leige ut startar prosessen i nettbanken sin eller mobilbank. Leigetakaren får ei melding på SMS og e-post når avtalen kan signerast. Som leigetakar kan du registrere deg hos oss med BankID viss du ikkje er kunde frå før.
Er leigetakar under 18 år eller utan BankID?
Viss du som leigetakar skal signere ein avtale om depositumskonto, men manglar BankID, må både du og utleigar kome innom eit bankkontor. Ta med gyldig legitimasjon og leigekontrakten.
Viss leigetakar er under 18 år, må dei ta kontakt med banken for å få signert avtalen. Ofte er det føresette som signerer avtalen på vegner av leigetakarar under 18 år.
Både utleigar og leigetakar må vere samde om beløpet som skal takast ut eller at kontoen skal avsluttast. Viss alle pengane skal bli betalt tilbake til den som leiger, må utleigar gi oss beskjed om det. Viss det er utleigar som skal ha pengane, må leigetakar seie ifrå. Viss beløpet skal fordelast mellom dykk, må begge gi beskjed om kva de har blitt samde om, så fiksar vi resten. Viss leigetakar ikkje har nettbank hos oss, må de komme innom eit bankkontor.
Sjølv om det er utleigaren som opprettar kontoen, er det leigetakaren som eig den og skal ha renteinntektene. Leigetakaren må derfor ha ein konto hos oss. Det kostar ikkje noko å bli kunde og du treng ikkje å ha andre ting enn depositumskontoen her.
Nyttige råd
Kva synast du om denne sida?
Samanlikn prisar
Du kan samanlikne prisane våre med prisar frå andre selskap på Finansportalen.no