Reinse filter

Kvifor?

Betre inneklima og tryggare matlaging.

Dersom kjøkkenvifta er full av feitt, vil den vere i dårlegare stand til å ta opp osen av damp og feitt frå matlaging. Det vil føre til at matos, feitt og røyk legg seg rundt i huset i staden for. Vifta kan også bli øydelagt av for mykje feitt, og i aller verste konsekvens kan feitt renne ned frå vifta og skape brann dersom fettet treff ein varm kokeplate og flammane rekk opp til filteret. Heldigvis kan du forhindre at dette skjer ved å vedlikehalde kjøkkenfilteret.

Korleis?

1. Ta ut støpselet på kjøkkenvifta.
2. Fyll kjøkkenvasken med varmt vatn blanda med oppvaskmiddel og rør rundt.
3. Ta av fettfilteret i kjøkkenvifta og legg filteret i vasken i minst to timar, kanskje over natta viss filtera er veldig skitne.
   NB! Enkelte fettfilter er kun tynne tøy- eller stoffmatter. Desse kan ikkje vaskast, og må bytast. Sjekk gjerne i bruksanvisninga om ditt filter toler maskinoppvask.
4. Bruk ein gamal oppvaskbørste for å løyse så mykje fett som mogleg.
5. Når filteret verkar relativt reint, kan dei fleste fettfilter vaskast i oppvaskmaskin. Køyr filteret åleine i maskina, slik at det ikkje set seg fett på andre ting som vaskast samtidig.
   - Viss du reinsar filteret ofte (kvar 3. veke) kan du byrja direkte på steg 5 med å putte filteret i oppvaskmaskina.
6. Ta ut viftehjul og luftinntaksring og vask dei med oppvaskmiddel og -børste.
7. Tørk godt både på undersida av ventilatoren og på kanten mot innsida der filteret skal stå med ein mikrofiberklut med kjøkkenspray.
8. Sørg for at filter, viftehjul og luftinntaksring og der du har vaska på vifta er tørre.
9. Monter viftehjul, luftinntaksring og filter tilbake på plass.
10. Test at vifta fungerer ved å putte eit A4-ark på vifta og sjå om vifta kan halde det oppe.

Kvifor?

Godt trykk i vasskrana og reint vatn.

Før vatnet renn ut av ei kran går det gjennom eit filter som kallast perlatoren. Her blir smuss stoppa slik at det ikkje renn ut med vatnet. Etter oppussing knytt til rør kan det også hamne partiklar frå rørarbeidet her. Dette kan føre til at trykket i vasskrana blir dårlegare sidan vatnet må kjempe seg igjennom ein del skitt. Etter rørarbeid er det spesielt viktig å reinse filteret for å halde vatnet reint. Det er heldigvis lett å vedlikehalde vasskrana.

Korleis?

1. Skru av den ytterste tuppen på vasskrana der vatnet renn ut (perlatoren).
   - På nyare kraner med plastperlator held det å skru med fingrane, mens på eldre kraner med perlator i metall kan du bruke skiftenøkkel.
   - Skru mot venstre når du ser rett på tuppen av vasskrana for å løyse perlatoren.
       i.) Hugseregel for å skru noko lausare/fastere: «righty tighty, lefty loosy».
2. La det renne litt vatn frå krana etter at perlatoren er skrudd av.
3. Skyll perlatoren og sørg for at alt smuss er fjerna
4. Skru perlatoren tilbake på plass.

Kvifor?

Rein oppvask.

Dersom tinga du vaskar i oppvaskmaskina ikkje blir heilt reine, kan det tyde på at sjølve oppvaskmaskina ikkje er heilt rein. Matrestar, smuss og kalk samlar seg i heile oppvaskmaskina, spesielt i filtera, som gjer at vaskeresultatet ikkje blir optimalt. I verste fall kan det føre til at vannet i maskina renn utover kjøkkengolvet. Det er heldigvis enkelt å vedlikehalde oppvaskmaskina så du får skinande reine tallerkener etter vasking og unngår vasslekkasje.

Korleis?

1. Sørg for at oppvaskmaskina er tom før du byrjar reingjeringa.
2. Ta ut filtera i botnen av oppvaskmaskina.
3. Vask filtera i rennande varmt vatn med ein oppvaskbørste.
4. Legg filtera tilbake i oppvaskmaskina og sørg for at dei «klikkar» seg på plass.
5. Spray kjøkkenspray på ein tørr mikrofiberklut og tørk over sidene på oppvaskmaskindøra.
6. Hell ein heil pose oppvaskmaskinreins i hovudkammeret for å vaske inne i oppvaskmaskina.
   - Det du ikkje får plass til i hovudkammeret kan du helle nederst i sjølv maskinen.
7. Vel eit vanleg vaskeprogram og sett på oppvaskmaskinen med maskinreins i.

Kvifor?

Ei velfungerande vaskemaskin som er mindre utsett for framtidige problem.

Mange mindre feil med vaskemaskiner kan sporast tilbake til filteret. Dersom vaskemaskinen vibrerar, lagar høg lyd, brukar lengre tid på eit program, stoppar vilkårleg under eit program eller kleda kjem ut rennande våte, kan det skuldast eit tett filter. Små framandelement som knappar og myntar kan òg feste seg i filteret og i verste fall kome ut til pumpa og hindre at pumpehjulet roterer. Heldigvis kan alle desse problema løysast raskt og enkelt med reingjering og vedlikehald av filteret. Om du reingjer vaskemaskinfilteret regelmessig, vil det òg førebygge framtidige problem med vaskemaskinen.

Kvifor?

Ein tørketrommel som tørker kle effektivt og som er mindre utsett for framtidige problem.

I ein tørketrommel samlar både filteret og kondensatoren opp lo, hår og annet smuss. Når desse to elementa er fulle og tette, fungerar tørketrommelen mindre effektivt, noko som kan føre til at kle ikkje blir tørre eller at tørketrommelen brukar lenger tid. I verste konsekvens kan det oppstå brann dersom filteret og kondensatoren er tette, men dette er svært sjeldan. Heldigvis er det raskt og enkelt å vedlikehalde tørketrommelen så kleda dine alltid blir tørre.

Korleis?

1. Kople frå straumen til tørketrommelen før du byrjar med reingjeringa.
2. Ta ut filter og vask dei med ein klut eller legg dei i blaut i varmt vatn.
   - Filter er ofte plassert i døra eller døropninga.
3. Tørke over filterhusa med ein tørr mikrofiberklut.
4. Ta ut kondensatoren på tørketrommelen for å reinse den.
   NB! Nokre tørketromlar har sjølvreinsande kondensatorar, og då er ikkje dette steget nødvendig.
5. Ta av alt støv og skyll kondensatoren i vasken til alt smuss er borte.
6. Vask døra og andre stader det kan samle seg lo og smuss med ein mikrofiberklut.
7. Fjern den øvste delen og sidene på tørketrommelen og støvsuge grundig innvendig.
   - Dette forlengar tørketrommelens levetid.
8. Sjekk at drivreima er heil og trekk jamt 
9. Monter tilbake den øvste delen og sidene på tørketrommelen.

Kvifor?

Betre ventilasjon og luftkvalitet.

Over tid blir avtrekkskanalen i baderomsvifta tilsmussa og skitna til av insekt, pollen, vegstøv, sot og anna som finst i lufta. Dette gir dårleg ventilasjon og luftkvalitet, i tillegg til at det kan skape kondensproblem. Dersom det blir for mykje støv, kan det vere brannfarleg. Det er heldigvis raskt og enkelt å reingjere vifta, så gjer det til ein vane.

Kvifor?

Godt trykk i dusjen og reint vatn.

Før vatnet renn ut av dusjen går det gjennom eit slags filter. Her blir smuss stoppa slik at det ikkje renn ut med vatnet. Dette kan føre til at trykket i dusjen blir dårlegare sidan vatnet må kjempe seg igjennom ein del skitt. Det er heldigvis enkelt å vedlikehalde dusjhovudet og sørgje for godt trykk på vatnet.

Korleis?

1. Skru av dusjhovudet frå slangen.
2. Stikk ein q-tips eller liknande inn i bakrøret til dusjhodet for å sjekke om det er eit slimbelegg der.
3. Spyle og reingjere innsida av dusjhovudet med såpevann.
4. På dusjar med antikalkfunksjonen QuickClean kan du gni silikondysene med ein finger for å fjerne smuss og kalk. Eventuelt kan du stikke ein nål opp i silikondysene for å løyse opp dette.
5. Legg dusjhåret og slangen i ein bøtte med 10 liter vatn og to korker klorin i ca. 1 time.
6. Skyll både slangen og dusjhovudet godt.
7. Fest dusjhovudet tilbake på slangen.
   

Kvifor?

Rask og trygg tilleggsvarme! 

Over tid kan støv og skitt samle seg i filteret til vifteomnen. Ved bruk vil då omnen faktisk brenne støvet, noko som gir eit dårleg inneklima. Om det er mykje støv i filteret og omnen står på over lang tid, kan det vere fare for overoppheting og i verst fall fare for brann - spesielt i eldre modellar. Støv i filteret kan også slite på vifteomnen. Heldigvis er det raskt og enkelt å reinse filteret for å unngå at slike skader skjer. 

Kvifor?

Betre inneklima.

Over tid kan støv og skitt samle seg i filtera til innedelen av varmepumpa. I praksis betyr det at varmepumpa vil bruke meir energi på å trekke inn luft, i tillegg til at meir støv vil kome inn i sjølve maskina og påverke viftetrommelen. Ein konsekvens av det er at varmepumpa kan få problem med å avgi riktig varme, og den bruker meir straum. I tillegg kan gammalt støv sirkulere ut i rommet igjen. Det er heldigvis raskt og enkelt å reingjere filtera i varmepumpa for å oppnå eit godt inneklima og ikkje redusere levetid til pumpa. 

Korleis?

1. Kople ut straumen ved å dra ut støpselet eller ta sikringa.
2. Ta av dekselet til varmepumpa for å få tilgang til filtera.
3. Støvsug grovfiltera med eit munnstykke med børste. Du kan også skylje dei i reint, lunkent vatn.
   - Ikkje ha filtera i oppvaskmaskina!
4. Støvsug luftfilteret med eit munnstykke med børste. Du kan eventuelt legge dei i lunkent vatn og skylje med reint vatn etterpå viss dei er veldig skitne.
5. Støvsug finfilter med eit munnstykke med børste.
6. Vaske utsida og alle overflater med ein fuktig mikrofiberklut for å bli kvitt støv og smuss.
7. Rist filtera eller bruke ein tørr klut for å tørke filtera.
8. Sett alle filtera tilbake på plass når dei er heilt tørre. Ver sikker på at alle filtera sitt riktig før du set på dekselet.