TIPS OG RÅD
Kjøpe båt | Ei kjekk sjekkliste
Det er mykje å tenke på når du skal kjøpe båt. Lån, forsikring, båtkontrakt, båtplass, vinterlagring osv. Vi har samla nokre tips og råd som kan vere greitt å ha med seg for deg som skal kjøpe båt.
Kjøpe båt | Ei kjekk sjekkliste
1. Sjekk båtregistera
Før du kjøper båt kan det vere lurt å sjekke med båtregistera om det er heftelsar, pant eller anna registrert på båten.
Småbåtregisteret
Først bør du sjekke om båten er registrert i småbåtregisteret. Der får du oversikt over eigarforhold og om båten har vore meldt stolen.
Skipsregisteret
Fritidsbåtar over 15 meter må vere registrert i skipsregisteret. For fritidsbåtar mellom 7-15 meter er det frivillig å registrere. Sjekk om båten er registrert i Skipsregisteret. I Skipsregisteret kan det vere registrert pant i båten. Dersom båten er registrert, må du hugse å registrere eigarskifte her.
Heftelsar/pant
Igjennom kontrakten bør du forsikre deg om at seljar slettar pant herfrå når du har overtatt båten. Det kan også vere lurt å sjekke med Løsøreregisteret i Brønnøysund om det er utlegg eller pant i båten.
2. Sjekk papira som følger båten
Det er fleire papir som bør følge båten. Er desse papira i orden når du kjøper båten, er det også lettare å få selt båten når den dagen kjem.
Skrognummer og CE-merka båt
CE-merka båt er eit garantistempel for tryggleik, og gir ein garanti for at båten er produsert i samsvar til strenge krav til helse, miljø og tryggleik. Ein føresetnad for CE-merking er at båten har eit skrognummer (WIN-kode) prega i skroget. Sjekke at båten har eit skrognummer. Dette nummeret gir svar på kven som har produsert båten og når den blei produsert. Skrognummeret skal du finne under fenderlista på akterspegelen på styrbord (høgre) side.
Motornummer og Securmark-nummer
Sjekk at motornummeret stemmer med papira som følger båten. Har du både skrognummer, motornummer og Securmarknummer (for båt og motor) kan du kontakte Securmark, så kan dei kvalitetssikre kjøpet for deg.
Samsvarserklæring
Samsvarserklæringa er produsenten si erklæring på at alle krav er følgt. Samsvarserklæringa skal følge brukarhandboka som følger med båten.
3. Hent informasjon og prisar
Jo meir informasjon du har om båten jo betre val kan du ta. Det er lurt å lese testar og søke etter informasjon om båten på nettet.
Få hjelp til å vurdere båten før du kjøper
Få hjelp av ein fagkyndig person til å gå over båten saman med deg før du kjøper. Ein fagkyndig veit fort kva hen skal sjå etter, og kan avdekke feil og manglar det er umogleg å få auge på sjølv. Avdekkast det feil, kan det spare deg for både tid og pengar.
Samanlikne prisar
Like båtar kan variere mykje i pris. Hugs å ta høgde for ekstrautstyr, slitasje og kor mange timar motoren har gått.
4. Skriv kjøpekontrakt
Når du har bestemt deg for kva båt du har tenkt til å kjøpe er det veldig lurt å skrive kontrakt. Det anbefalast at kontrakta fyllast ut i fellesskap mellom seljar(ar) og kjøpar(ar).
Kjøpekontrakt båt
Forbrukerrådet har laga ei oversikteleg og god kontrakt. Du kan velje mellom å:
- laste ned kontrakten i PDF, fylle ut felta, printe ut og signere
- fylle ut digital kontrakt med digital signering
Kvar signatur kostar 20 kr og betalast med Vipps av den som opprettar kontrakten.
Etter utfylling bør kontrakten lesast nøye igjennom av begge partar og signerast. Begge partar bør behalde ein signert kopi kvar.
5. Låne, refinansiere eller kjøpe
Dei færraste tener pengar på å eige ein båt, og det er surt å sitte igjen å betale på ein båt i etterkant av at båten er seld igjen. Det finst fleire måtar å finansiere ein båt på.
Båtlån
Vi gir båtlån utan skipspant til båtar under 7 meter. Båtar over 7 meter kan registrerast i Skipsregisteret, medan båtar over 15 meter må registrerast i Skipsregisteret. Registrerer du båten din i Skipsregisteret kvalifiserer du til lån med skipspant og du vil også få gunstigare lånevilkår. Båten er sikkerheit for lånet, og må derfor vere kaskoforsikra
Refinansiering eller flexilån
Ein annan måte å finansiere båten på er å refinansiere bustadlånet, slik at du bygger båtlånet inn i bustadlånet. Då anbefaler vi å auke innbetalingane i tilsvarande periode som du normalt ville hatt for eit båtlån, elles kan du sitte igjen med å betale meir for båten enn ved eit vanleg båtlån. Ein annan måte å "bake" båtlånet inn i bustadlånet på, er via eit flexilån.
Tips!
Det kan vere smart å betale ned på lånet i takt med verdifallet på båten, slik at du ikkje sit igjen med restgjeld den dagen du skal selje.
6. Forsikring av båten
Ting skjer. Ikkje minst på sjøen. Heldigvis kan du forsikre deg både mot uhell og ubudne gjestar, redning og ferieavbrot. Du kan velje mellom delkasko, kasko og toppkasko. Bruk vår båtforsikring-kalkulator så får du pris på båtforsikringa før du kjøper.
- Delkasko
dekker ansvar, førar og passasjerulykke, brann, tjuveri og innbrot. - Kasko
dekker i tillegg samanstøt, kantring, grunnstøting, synking, brot på mast, feilfylling av drivstoff og ferieavbrot. - Toppkasko
dekker i tillegg skade på segl, motor og opplagsutstyr, jolle, samt ny båt ved totalskade.
Sjå oversikt over kva dei ulike båtforsikringane dekker
Veit du kva båt du skal kjøpe?
7. Båtplass og registrering
Søk på nettet eller oppsøk ei hamn eller båtforeining der du kan tenke deg å ha båten din. Populære hamner har ofte lange ventelister, men det kan finnast moglegheiter likevel.
Båtplass
Du finn mykje informasjon på nettet, men det er ikkje alltid oppdatert informasjon. Det kan vere lurt å ta direkte kontakt med båtforeininga/-hamna der du ønsker deg båtplass. Sjølv om båtforeininga informerer om full hamn og venteliste, kan det vere medlemmar som har framleige av eigen plass. Sett deg godt inn i hamnereglar, vedtekter, vaktinstruks og anna relevant informasjon. Det kan vere lurt å velje ei hamn som har vaktordning, låsbar grind mot brygga osv.
Registrer båten eller meld eigarskifte
Mange båtforeiningar og hamner krev at båten er registrert og forsikra for å få leige/eige båtplass eller legge til i gjestehamn. Hamna eller andre båteigarar kan ha behov for å kome i kontakt med deg som eig båt. Registrerte båtar vil ha synleg registreringsnummer, som gjer det enklare å kome i kontakt med deg. Vi anbefaler å registrere og forsikre båten din. Er båten din allereie registrert må du melde eigarskifte:
- Registreringsummer i småbåtregisteret - meld eigarskifte
- Merka med Securmark - melde eigarskifte
- Registrert i Skipsregisteret - meld eigarskifte
8. Opplag og vinterlagring
Når du vel ei hamn der du kan eige eller leige plass til båten må du finne ut korleis du ønsker å lagre båten gjennom vinteren. Skal du velje utandørs- eller innandørslagring? Er det billigare med opplag der du har hamn eller ein annan stad i nærleiken?
Innandørslagring
Innandørslagring er som regel litt dyrare for lommeboka, men det er mange fordelar.
- Båten står skjerma for vêr og vind.
- Den kan stå mindre tilgjengeleg for tjuveri.
- Du slepp å dekke til båten på same måte som når du har båten ståande ute.
- Når båten står varmt og tørt får du også større moglegheit til å drive med vedlikehald av båten heile året.
Utandørslagring
Ved utandørslagring er det veldig viktig å sikre båten for vêr og vind. Vel ei stødig båtkrybbe og stativ til å ha båten på. Presenningar av dårleg kvalitet må ofte bytast ut kvart år, men dei av god kvalitet vil vare i fleire år. Det er viktig å sikre presenningen godt. Viss presenningen blir ståande og blafre heile vinteren er det større sjanse for at den blir slitt ut.
Alternativet til presenning er krympeplast. Men hugs at både presenning og krympeplast kan revne, tau kan ryke osv. så det er viktig å jamleg sjå til båten over heile vinteren.
9. Vedlikehald og vårpuss
Du får mykje igjen for å vedlikehalde båten. Redningsselskapet har nokre gode råd for vedlikehald før båten vinterlagrast og for vårpussen før du set båten på sjøen igjen:
Kva lurer andre på?
Ja, du kan forsikre utan registrering viss båten eller vannscooteren har færre enn 5 hestekrefter. Båtar med motor på 5 hestekrefter eller meir må vere registrert i enten Småbåtregisteret, Securmark eller skipsregisteret Nor.
Vi anbefalar at du registrerar båten din uansett størrelse. Dersom nokon finn ein tom uregistrert båt flytande på fjorden, må redningsselskap og -skøyter starte fullt søk etter savna personar. Det blir fort veldig ressurskrevjande og kostbart. Er båten registrert i småbåtregisteret, er det enkelt å kontakte deg og unngå store leteaksjonar.
Viss du har båtforsikring med toppkasko og båten/vannscooteren er yngre enn 10 år får du dekka:
- Skade på båt og motor viss kjølesystemet sluttar å virke.
- Plutselege skader på delar som motor, gir, aksling, elektronisk motorstyring og bensinsystem.
- I nokre tilfelle må båten/vannscooteren demonterast og undersøkast for å finne ut om vi dekkar skaden. Vi betalar kostnaden for dette viss den er større enn eigenandelen din.
Har du hatt skade på båten?
Sjå også
Ja, vi tilbyr forsikring av seglbåt. Seglbåtforsikringa dekker mellom anna:
- skade på segl og motor
- brot på mast og bom
- skade på skrog og kjøl
- ny seglbåt ved totalskade
- skader under seglbåtregatta
Når du sjekkar pris/kjøper båtforsikring vel du seglbåt på spørsmålet om kva type båt du ønsker å forsikre. Sjekk full oversikt over kva seglbåtforsikringa vår dekker.
Enkelte køyretøy vert hyppigare brukt avhengig av om det er sommarsesong eller vintersesong. Dette gjeld for:
- motorsykkel og moped
- Snøscooter
- båt og vannscooter
For eksempel vil mange mc-eigarar la motorsykkelen stå i garasja i vinterperioden, ein del set båten sin til vinterlagring, og få brukar snøscooteren sin om sommaren. Sidan desse køyretøya vert hyppigare brukt i delar av året, er også risikoen høgare i desse månadene. Prisen på forsikringa varierar difor med sesong for desse køyretøya, såkalla sesongvariert pris.
Betalar du per månad, betalar du totalprisen for heile året delt på 12 månader. Avsluttar du forsikringa utanom hovudforfall, vil vi avrekne prisen for det tidsrommet du har vore forsikra, som visast i prosent av årsprisen i denne grafen (til dømes båtforsikring):
Sjå eigne tabellar for motorsykkel, moped og snøscooter i forsikringsavtala di.
Lagringsforsikring
Ønsker du å vere forsikra medan båten står i vinteropplag, anbefalar vi å ha forsikring gjennom heile året. Forsikring i vinterperioden er langt billegare enn i høysesongen.
For mc, moped og snøscooter kan du midlertidig avregistrere køyretøyet så vil du automatisk gå over på lagringsforsikring.
Minikasko er vår billegaste båtforsikring. Den dekker meir enn ansvar, brann, tjuveri, redning, vrakfjerning og lausøyre i båten.
Kasko
Dersom du ønsker å vere dekka for skadar på eigen båt som følgje av til dømes samanstøyt, kantring, grunnstøting og senking må du velje kasko båtforsikring.
Toppkasko
Ønsker du i tillegg dekning for skadar på segl og motor, feriegaranti, tilhøyrande jolle og skade på opplagsutstyr må du velje toppkasko.
Billegare båtforsikring?
Ønsker du å gjere båtforsikringa billegare, er det fleire ting som gjer at prisen på kaskoforsikringane blir lågare:
- Jo høgare eigenandel du vel, jo billegare båtforsikring
- Om ingen under 23 år skal køyre båten
- Om du er medlem i redningsselskapet
- Om du har fritidsskipparsertifikat eller høgare
- Om båten ligg i hamn med organisert vakthald
- Om båten er merka med securmark
- Om båten har installert FG-godkjent gjenfinningssystem
Pris som følgjer sesongen
Hvis du skal vintrelagre båten, kan det vere kjekt å vite at vi har noko som heiter sesongvariert pris. Avsluttar du forsikringen utanom hovudforfall, avregnast prisen for det tidsrommet forsikringen har vore i kraft. Det betyr i praksis at prisen er langt billegare i vintermånadane enn i sommarmånadane. Les meir om sesongvariert pris.