Slik set du fart på vekstfasen for bedrifta

Du har utvikla produktet og skal over i vekstfasen. Kva gjer du no? Korleis set du fart på veksten – og kva er viktig å tenke på? Her er dei beste tipsa våre.

1. Eit godt produkt må alltid ligge i botn

– Det tar tid å utvikle produkt, så når du kjem ut i andre enden, bør du i alle fall vere sikker på at du har med deg noko marknaden vil ha.

Det seier Gøran Steffensen, rådgjevar for bedriftskundar i SpareBank 1. Han understrekar at eit godt produkt alltid må ligge i botn. Bedriftsrådgjevaren har lang erfaring med bedrifter som er i vekstfasen. Her kjem han med dei beste tipsa sine.

2. Jobb saman med kundane dine

Lytt til dei som har skorne på.

– Du må sørge for at produktet ditt er noko kunden er interessert i, og det gjer du ved å snakka med dei.

Lytt til behova deira heile tida under utviklinga. Då veit du at du lagar noko marknaden etterspør, og du kan omstille deg om det skjer noko undervegs. Først når du har utvikla noko saman med kunden, bør du tenke vekst, seier han.

Les òg: Bygde bedrift på folkehelse

3. Gjer eit godt forarbeid før vekstfasen

Skal du klare å ta marknadsdelar, må du kjenne både konkurrentar, kundar og behova deira. Det inneber til dømes å vite kven avgjerdstakaren er.

– Det er ikkje alltid slik at den eigentlege avgjerdstakaren er han du trur. Det avheng av fleire ting, mellom anna kva slags produkt du sel. Kanskje avgjerdsprosessen ligg hos nokon andre enn kunden din? Det må du finne ut av i forkant, seier han.

Til dømes vil prisstrukturen i forretningskonseptet ditt påverke kven som tek den endelege avgjerda.

– Sel du eit produkt med ein engangssum på ein million kroner, er dette ei investering for kunden, og må inn i investeringsbudsjettet.

Prisar du deg derimot med ein lisensavtale til 100.000 kroner i året, er dette eit produkt med ein annan, gjerne enklare avgjerdsprosess, forklarer Steffensen.

4. Finn gode seljarar

Uansett kor bra produktet ditt er, må du ha dei rette folka til fortelje om det.

– Dyktige seljarar er heilt avgjerande. Det er lett å plukke frå eigne rekker og tenke at du må ha nokon som kan alt om produktet. Men som oftast er ikkje gode utviklarar gode seljarar, seier han.

I tillegg til å vere marknadsorienterte, peikar bedriftsrådgjevaren på at superseljarar er flinke til å få innpass hos dei riktige personane.

– Dei veit kven dei skal kontakte, og dei får rask avklaring hos kunden på om dette er noko dei skal ha eller ikkje. Det er altfor lett å bruke tid på lange prosessar som ikkje blir noko av. Avklar og kom deg vidare!

Les òg: Verdsette medarbeidarar

5. Hugs at det kostar å vekse

Vekst er kostbart. Derfor må du halde fokus på det som skal skape veksten. Invester i midla som er kjerneverksemda – kvitt deg med kostnadene utanfor kjernen.