Bedriftslån
Skal du investere i eigedom, maskiner eller utstyr som bidrar til verdiskaping i bedrifta di? Då er bedriftslån det riktige for deg.
Det beste lånet når du treng langsiktig finansiering.
Passar for å investere i eigedom, maskiner og utstyr.
Bedriftslån, kassekreditt, leasing – kva er riktig for deg?
Kva slags type lån du bør ta, kjem an på kva du skal bruke det til. Treng du for eksempel lån til å utbetale lønn eller leigekostnadar, er kassekreditt det beste.
Renter og vilkår
- Rente og vilkår blir sett ut frå bedrifta si betalingsevne og sikkerheit.
- Når lånet er klart, kjem heile beløpet inn på bedriftskontoen.
- Nedbetalingstida bør ikkje vere lengre enn den økonomiske levetida til det som blir finansiert.
Lurer du på kva rente bedrifta di kan få?
Finansiering tilpassa behovet til bedrifta
Dei fleste bedrifter treng finansiering frå tid til annan. Kva finansieringsform som passar best, kjem an på økonomien i bedrifta og kva du skal investere i. Visste du at leasing kan vere eit godt alternativ til lån, viss du skal kjøpe køyretøy eller utstyr?
Ofte stilte spørsmål
Bedriftslån passar for bedrifter som skal investere i eigedom, produksjonsanlegg eller utstyr.
Når vi vurderer lånesøknaden, er vi i all hovudsak opptatt av to ting: Om bedrifta klarer å betale tilbake lånet, og om vi har tilfredsstillande sikkerheit viss det blir vanskeleg. Vi ser mellom anna på kva du skal låne pengar til, rekneskapstal som lønnsemd, andel eigenkapital og likviditet, og alderen til bedrifta og historikk i banken.
Sikkerheit er eigedelar banken tar pant i, det vil seie at vi har rett til å overta desse viss bedrifta ikkje betaler tilbake lånet. Det du låner pengar til blir som hovudregel stilt som sikkerheit, enten det er fast eigedom, produksjonsanlegg eller utstyr. Vi kan også ta sikkerheit i andre verdiar.
Nedbetalingstida heng saman med kva du låner pengar til. Både verdien av det du kjøper og kor fort den går ned påverkar nedbetalingstida. Til dømes er nedbetalingstida på fast eigedom ofte opp mot 20 år, medan køyretøy og utstyr har kortare nedbetalingstid. Nedbetalingstida bør ikkje overstige den økonomiske levetida til det du låner pengar til.
Lån med flytande rente er den vanlegaste lånetypen. Flytande rente gir full fleksiblitet, og vil som regel vere meir lønnsamt enn fastrente over tid. Du bør velje flytande rente viss bedrifta har ein økonomi som toler ein renteoppgang på 4-5 prosentpoeng. Med flytande rente står du fritt til å betale ekstra ned på lånet viss økonomien tillet det.
Viss bedrifta vil ha forutsigbare låneutgifter, er fastrentelån eit godt alternativ. Då avtaler du med banken at du bind renta for ein periode, og veit nøyaktig kva du skal betale kvar månad – uavhengig av kva som skjer i rentemarknaden. Merk at fastrentelån som regel er dyrare enn lån med flytande rente, fordi renta er låst til ein høgare sats enn den flytande. Ønsker du å betale inn ekstra på eit fastrentelån, må innbetalinga justerast med overkurs eller underkurs.
- Overkurs: Viss marknadsrentene har gått ned sidan du inngjekk fastrenteavtalen taper banken pengar på at du betaler inn ekstra. Derfor må du betale ekstra renter for å dekke tapet.
- Underkurs: Viss marknadsrentene har gått opp sidan du inngjekk fastrenteavtalen tener banken pengar på at du betaler inn ekstra. Denne gevinsten får du, og den blir trekt frå gjelda di.
Bedrifta kan også kombinere fast og flytande rente. Då bind du renta berre på delar av lånet. Dette gir større forutsigbarheit, samtidig som du har fleksibilitet til å betale inn ekstra og får fordelane av eventuelt fallande rente.
