Finansiering

Finansiering av innovasjon og vekst

Gjennom vekstgarantiordninga til Innovasjon Norge tilbyr vi innovasjonslån og vekstkreditt til bedrifter som skal gjere ei innovativ investering eller er i vekst. 

Prat med ein rådgjevar
unge-grundere-med-robot-hode
Bedrifta får tilgang til tidlegare eller meir finansiering enn den normalt ville fått.
Gir bedrifta betre grunnlag for å skaffe nødvendig eigenkapital.
Kan kombinerast med anna finansiering frå bank eller Innovasjon Norge.

Vekstgarantiordninga på 1-2-3

Lurer du på om bedrifta di kan søke om lån eller kreditt gjennom vekstgarantiordninga? Her får du ei kjapp innføring.

Kven kan søke? 

Små og mellomstore bedrifter med inntil 250 tilsette som oppfyller eitt eller fleire kriterium knytt til innovasjon og vekst. Før du søker bør du gjere deg opp ei meining om kva for nokre av kriteria bedrifta oppfyller. Enkelte verksemder, sektorar og aktivitetar kan omfattast av avgrensingar i ordninga. Bedrifta må ha beteningsevne, sjølv om den manglar tilstrekkeleg sikkerheit. 

Kva kan pengane brukast til? 

Bedrifta kan søke om enten lån eller kreditt. Ordninga kan brukast til å finansiere dei fleste kapitalbehov, det vil seie både investeringar, drift og arbeidskapital. Lån og kreditt gjennom vekstgarantiordninga kan ikkje brukast til å refinansiere eksisterande gjeld. 

Kva vilkår gjeld? 

Lånebeløp er mellom 250.000 og 4 millionar kroner, og kan løyvast med ein avdragsfri periode på 1 eller 2 år frå utbetalingstidspunktet. Løpetida for lån er mellom 1 og 10 år. Løpetida kan forlengast undervegs, men innanfor ein total løpetid på 10 år. For kreditt er løpetida maks 3 år, men minimum 1 år. Kreditt kan gjerast om til lån, men innanfor ei samla løpetid på 10 år.

Kriterium for finansiering med vekstgaranti

Bruk av vekstgaranti føreset at formålet med lånet eller eigenskapar ved bedrifta oppfyller minst eitt av følgande kriterium:
Produktutvikling og prosessinnovasjon

Lånet skal brukast til å investere i produksjon, utvikling eller implementering av nye, eller vesentleg forbetra:

  • produkt, prosessar eller tenester
  • produksjons- eller leveransemetodar
  • organisatorisk innovasjon eller prosessinnovasjon (inkludert innovative forretningsmodellar), der det finnast risiko for teknologisk, industriell eller forretningsmessig svikt
  • Bedrifta har over ein treårsperiode hatt ein gjennomsnittleg årleg, intern vekst i talet på tilsette eller omsetning på meir enn 20 prosent. Det må vere 10 eller fleire tilsette ved byrjinga av perioden.
  • Føreset at bedrifta har vore i marknaden mindre enn 12 år sidan første kommersielle sal.
  • Bedrifta sine forskings- eller innovasjonskostnadar representerer minst 5 prosent av driftskostnadane i minst eitt av dei tre siste åra. For oppstartsbedrifter utan finansiell historikk, vil inneverande skatteperiode vere gjeldande.
  • Føreset at bedrifta har vore i marknaden mindre enn 7 år etter første kommersielle sal.

Bedrifta har eit betydeleg innovasjonspotensial eller er forskings- eller innovasjonsdriven i kraft av å tilfredsstille eitt av følgande kriterium:

  • Bedrifta sine årlege forskings- og innovasjonskostnadar er lik eller større enn 20 prosent av lånebeløpet, som vist ved låntakar sitt siste godkjente årsrekneskap. Det blir føresett at bedrifta planlegg ein auke i forskings- og innovasjonskostnadar tilsvarande minimum lånebeløpet (ihht. forretningsplan).

  • Bedrifta skal bruke minst 80 prosent av lånebeløpet til forskings- og innovasjonsrelaterte aktivitetar (indikert ved bedrifta sin forretningsplan), og det resterande beløp på kostnadar som gjer desse aktivitetane moglege.

  • Bedrifta har mottatt tilskot, lån eller garantiar frå forskings- og innovasjonsprogram i EU (t.d. Horisont 2020, EIC eller Eurostars) eller frå nasjonale eller regionale forskings- og innovasjonsordningar (t.d. frå Innovasjon Norge eller Forskningsrådet) i løpet av dei siste 36 månadane. Det blir føresett at lån med vekstgaranti ikkje skal dekke dei same kostnadane.

  • Bedrifta har fått ein forskings-, utviklings- eller innovasjonspris frå ein EU-institusjon eller eit EU-organ i løpet av dei siste 24 månadene.

  • Bedrifta har registrert minst ein teknologirett (som ein patent eller opphavsrett til programvare) i løpet av dei siste 24 månadane, og hensikta med lånet skal vere å gjere mogleg bruk av denne retten, direkte eller indirekte.

  • Bedrifta er ein tidligfase-SMB der det er gjort ei investering frå eit venturekapitalfond i løpet av siste 24 månadar, eller at ein slik venturekapitalinvestor er aksjonær i bedrifta.

  • Bedrifta har behov for risikokapital større enn 50 prosent av gjennomsnittleg årleg omsetning i dei fem tidlegare åra. Dette skal vere basert på ein forretningsplan som tar sikte på å introdusere eit nytt produkt eller å gå inn i ein ny geografisk marknad.

  • Bedrifta sine forskings- og innovasjonskostnadar utgjer minst 10 prosent av driftskostnadane i minst eitt av dei tre siste åra, (eller i oppstartsselskapar utan finansiell historikk i inneverande skatteperiode). Dette skal vere stadfesta av ein ekstern revisor.

  • Bedrifta har blitt innvilga SkatteFUNN i løpet av dei siste 36 månadane. Det blir føresett at lån med vekstgaranti ikkje skal dekke same kostnadane.

  • Bedrifta har fått Seal of Excellence frå EU eller Innovasjon Norge i løpet av dei siste 36 månadene.

Bedrifta skal bruke lånet til å investere i digitalisering på minst eitt av følgande område:

  • Utvide eller omdanne eksisterande forretningsmodellar eller skape nye forretningsmodellar.

  • Introdusere eller vesentleg styrke digitalisering innanfor supply chain management (forsyningskjede), som inkluderer, men ikkje er avgrensa til lagerstyring, automatisering og dessutan interaksjon med leverandørar, kundar eller partnarar.

  • Betring av produkt, tenester eller prosessar ved å integrere digital teknologi i bedrifta sine forretningsprosessar, inkludert design, utvikling eller leverandørsystem.

  • Customer relationship management (CRM/kunderelasjonshandtering), som inkluderer forbetra system for tilbakemelding frå kundar eller moglegheiter for digital marknadsføring.

  • Forretningsutvikling og kundeakvisisjon, inklusive men ikkje avgrensa til nye kundegrupper eller nye geografiske marknadar.

  • Datasikkerheit eller å styrke bedrifta si evne til å handtere eventuelle cyberangrep.

  • Integrasjon av innovative "deep technologies" i drifta av selskapet, som t.d. kunstig intelligens, "blockchain", dronar og robotar, bioteknologi, "photonics" elektronisk avanserte materiale, kvantedatabehandling.

  • Utvikling av kompetanse knytt til digitale teknologiar hos eksisterande og nye medarbeidarar eller leiing, styring og administrasjon av verksemda i ei digital verd.