Slik finansierer du oppstarten
Når du skal starte bedrift, treng du pengar. Sjekk korleis du kan finansiere oppstarten.
Kor mykje pengar treng du?
Før du går i gang må du vere sikker på at du har pengar nok til å dekke oppstartskostnadene og løpande utgifter i tida før du får inntekter. Du bør derfor bruke tid på å lage gode budsjett.
Spar opp eigenkapital
Det vanlegaste er å finansiere oppstarten med eigenkapital og lån. Eigenkapital vil seie eigne sparepengar eller pengar du skaffar på anna vis, til dømes frå familie og venner. Hugs at du må kunne dokumentere kvar du har fått pengane frå.
Søk om støtte
Det finst fleire støtteordningar og tilskot du kan søke på.
Innovasjon Norge
Har du ein forretningsidé som representerer noko vesentleg nytt i marknaden? Då kan du søke om marknadsavklaringstilskot frå Innovasjon Norge.
Stiftingar og fond
I Legathandboka finn du ei oversikt over private stiftingar og fond som gir støtte til ulike formål.
Andre offentlege støtteordningar
På Altinn finn du ei oversikt over ei rekke støtteordningar frå det offentlege.
Kommune og fylke
Sjekk med kommunen og fylkeskommunen din om dei har nokre støtteordningar du kan søke på. Mange kommunar har til dømes eigne næringsfond.
Lån og finansiering i banken
Vi hjelper deg med å finne den finansieringsforma som passar best for bedrifta di.
Med bedriftslån kan du investere i eigedom, maskiner og utstyr som bidrar til verdiskaping.
Med kassekreditt kan bedrifta dekke utgifter som må betalast før inntektene kjem inn på konto.
Leasing betyr at bedrifta leiger køyretøy eller utstyr i staden for å kjøpe det.
Vi investerte 1,4 millionar kroner i kjolar.
Stine Goksøyr, gründer av Ko:Ko - Norsk kjoledesign på nett
Finn investor
Profesjonelle investorar kan bidra med pengar og kompetanse - ofte i byte mot eigardelar i bedrifta. Ver førebudd på at profesjonelle investorar er erfarne og kan vere tøffe forhandlarar.
- Finn ut av kva du treng ein investor til. Er det kapital, kompetanse eller begge deler?
- Skaff deg ei oversikt over moglege investorar i bransjen din.
- Sjekk om det finst gründerprogram i området ditt. Program som StartupLab og GründerAcademy kan vere døropnarar til aktuelle investorar og mentorar.
- Vurder kor mykje du vil at ein investor skal eige i selskapet ditt.