Dyrt å ikkje ha lovpålagt tenestepensjon

Obligatorisk tenestepensjon (OTP) er ei pensjonsordning der bedrifter er pålagt å spare til pensjon for sine tilsette. Bedrifter kan spare inntil 7 prosent av lønn frå 0 til 12 G, og inntil 18,1 prosent ekstra for lønn mellom 7,1 og 12 G (G er grunnbeløpet i folketrygda, 1 G er 118.620 kroner). Minstekrav til innskot er 2 prosent av lønn frå 0 til 12 G. Obligatorisk tenestepensjon har vore lovpålagt sidan 2006.

1. juli 2021 kom det ei ny lov som skal sikre at alle tilsette får pensjonssparinga dei har krav på. Forskrifta seier at bedrifta får ei bot på 250 kroner per dag per tilsett for ikkje å ha tenestepensjonsordning i samsvar med lova. 

Enklare innrapportering og oversikt 

Nytt frå 2021 var at arbeidsgjevar sin innrapporterte informasjon om arbeidstakar si inntekt og arbeidsforhold i a-meldinga skal delast med bedrifta sin pensjonsleverandør. Det betyr enklare innrapportering for arbeidsgjevarar då dei kun må rapportere denne informasjonen éin gong. Samtidig blei det enklare for styresmaktene å få oversikt over kva arbeidsgjevarar som ikkje har obligatorisk tenestepensjon for sine tilsette.

Bedrifter med pensjonsordning hos oss, vil bli kontakta i samband med overgang til ajourhald via a-meldinga.

Frå 1. juni 2021 overtok Skatteetaten tilsyn av arbeidsgjevarar si plikt til å opprette OTP-ordning frå Finanstilsynet. For å få betre oversikt over kva arbeidsgjevarar som ikkje har etablert obligatorisk tenestepensjon, har Skatteetaten lagt til rette for automatiske kontrollar.