Tips og råd
Tips og råd
Slik sikrar du kortet ditt
Når du handlar i butikk, på nettet, i utlandet eller i Noreg, bør du alltid følgje nokre forholdsreglar. Tar du med deg desse råda vidare, minskar du risikoen for at kortet ditt blir misbrukt.
1. Skjul korta og kodane dine
Kortet ditt er berre for bruket ditt. Det skal ikkje lånes bort eller oppbevarast lett tilgjengeleg for andre. Reiser du utanlands, er det òg ein god idé å ha med to kort - bankkortet ditt og til dømes eit Mastercard. På denne måten er du sikra økonomisk dekning om uhellet skulle skje.
2. Vel sikker betalingsløysing på nett
Betaling med kort når du handlar på nett.
Verified by Visa og Mastercard Identity Check er tenester med tilleggssikkerheit når du handlar på internett og betaler med kort. Du identifiserer deg, og sikrar kjøpet ditt ved å bruke BankID eller engangskode-appen - akkurat som når du loggar inn i mobilbanken eller nettbanken.
Med andre ord kan ingen andre bruke Visa-kortet ditt eller Mastercard i nettbutikkane som er knytt til denne løysinga, og nettbutikken får ikkje tilgang til kodane dine. Er du allereie kunde med Visa og Mastercard hos oss, har du automatisk tilgang til denne betalingstenesta.
Betal rett frå kontoen (BankAxess)
Frå og med 1. desember 2022 blir nettbetalingstenesta BankAxess avvikla. Det gjeld alle bankar.
BankAxess er ei betalingsløysing der du kan betale direkte frå kontoen din når du handlar på nettet. Tenesta blir avslutta fordi dei fleste både føretrekk og nyttar andre løysingar for betaling på nett, til dømes kredittkort.
Obs! Løysinga må ikkje forvekslast med BankAxept, som er det nasjonale betalingssystemet i Noreg.
Vi beklagar eventuelle ulemper dette skulle medføre for deg som kunde.
3. Unngå ubehagelege overraskingar
Har du barn i huset, kan du vere særleg utsett om du låner bort nettbrettet eller mobilen til den vesle. For som med dei fleste digitale dingsar, finst det moglegheiter for å komme over upassande innhald eller tømme eit betalingskort for pengar. Mange gratisspel har dyre tilleggspakkar som born ikkje alltid veit kostar ekte pengar, og dersom borna kjøper desse kan bankkontoen tømmast før du veit ordet av det.
Av den grunn er det lurt å forsikre seg om at iPaden, iPhonen eller einingar med Android frå Google har dei rette innstillingane før borna får han mellom hendene. Til dømes krev Apple ei nedre aldersgrense på 13 år for å oppretta ein iTunes-konto. Det kan derfor vere lurt at du som forelder opprettar ein konto på vegne av bornet fram til 13-årsdagen.
Det finst fleire moglegheiter når du skal oppretta ein ny konto; du kan registrere eit betalingskort, eit iTunes-gavekort eller velje ”ingen betalingsmetode”. Ny konto kan opprettast via iTunes eller på iPaden. Hos barnevakten.no kan du lese meir om korleis du set opp ein iPad/iPhone for barn.
Google har ein eigen supportside for korleis ein set opp ein konto på ein Android-enhet for barn under 13år.
