Testament og arv
I eit testament vel du kven du gir bort deler av arven din til. Her finn du kontraktsmal for testament og svar på spørsmål om arv, arvelova, fordeling av arv og skifte av dødsbu.
Tenesta blir levert av Advokatfirmaet Legalis AS.
Kva er eit testament og når treng du det?
I eit testament bestemmer du kva som skal skje med det du eig etter at du er død.
Etter arvelova går noko av arven til ektefelle og eigne barn. Behovet for eit testament oppstår viss du ønsker ei anna fordeling av arv. Kanskje ønsker du å sikre ektefellen din i større grad, eller du vil gi bestemde eigedelar til bestemte personar – eller at også barna til ektefellen din skal arve?
Andre moglegheiter er viss du vil gi noko til gode formål, eller setje av middel til vedlikehald av grava. Det kan òg vere forhold ved ein arving som gjer at du treng avgjerder om forvaltning. Med eit testament kan alt dette og mykje anna blir bestemt.
Å bestemma kven som skal arva kva, kan òg vera med å førebygga seinare krangel mellom arvingane.
Testament
1990
kroner
- Testament utan store tilpasninger, til bruk i dei enkle tilfella.
- Ein advokat frå Advokatfirmaet Legalis AS vil sjå over og kvalitetssikre testamentet.
- Testamentet må skrivast ut og signerast av deg og to vitnar saman, då det ikkje er moglegheit til å signere digitalt.
- Ønsker du å tilpasse innhald og treng meir hjelp frå advokat, tilbyr Legalis ein redusert timespris på kr 1990,-.
Tenesta blir levert saman med Advokatfirmaet Legalis AS. Du blir overført til Legalis sine sider der du vel og fyller ut kontrakt. Denne vil bli kvalitetssikret av Advokatfirmaet Legalis AS før du betaler.
Slik kjem du i gong
Vurder behovet ditt og ønsker
Vurder behovet ditt for testament og kva eit testament skal innehalde. Les meir om testament i rettleiaren om arverett. Drøft gjerne med pårørande!
Set i gong
Fyll ut testamentet. Les teksten nøye og vurder om dette er i tråd med dine ønsker.
Etter at du har starta utfylling av kontrakten på Legalis sine sider, kan du logge inn, lagra, og komma tilbake seinare for å fullføra.
Signar kontrakten
Etter at han er kvalitetssikret av advokat, må du skrive ut og signere kontrakten.
Eit testament krev to vitner som er tilstades saman med deg når du signerer.
Oppbevaring
Ta vare på det underteikna testamentet på ein sikker stad. Det tryggaste er å la domstolen ta vare på det mot eit gebyr.
Spørsmål om arv og testament
Eg vil hjelpe born eller barnebarn
Ønsker du å bidra økonomisk til bustadkjøp eller anna formål, er det viktig å gjere dette ryddig og ope. Tenk gjennom om det skal vera lån eller gåve. Viss det skal vere gåve, er forskudd på arv ei god moglegheit. Dette vil opplevast meir rettferdig for andre arvingar, sidan forskuddet blir trekt frå ved seinare arveoppgjer.
For at ei gåve seinare skal kunna avkortast i arv må den som får gåva vere kjent med slik avkortning før gåva blir ytt, noko som helst bør gjerast skriftleg i eit gåvebrev eller liknande. Forskuddet bør òg skrivast ned i eit testament, slik at det ikkje blir tvil om kven som er mottakar og storleiken på beløpet.
Gift med felles barn - er vi godt sikra viss ein av oss går bort?
Er de gift og har berre felles barn, er de i utgangspunktet godt sikra . Gjennom reglane om uskifte kan gjenlevende ektefelle overta alle eigedelar, inkludert felles bustad. Arveoppgjeret skjer først når gjenlevende ønsker dette.
Mine og barna dine - kva må eg tenke på?
Viss de er gift og har barn frå tidlegare forhold, gjerne kalla særkullsbarn, blir det litt komplisert. Det er ikkje rett til uskifte med avdødes særkullsbarn. Det kan derfor oppstå situasjonar der gjenlevende ektefelle har problem med å behalde bustaden, sidan det skal utbetalast arv til avdødes barn. Viss de er i situasjonen «mine og dine», er fleire grep aktuelle. Herunder at særkullsbarn samtykker til uskifte, eller at arven til barna blir avgrensa gjennom eit testament og bruk av livsforsikring.
Korleis unngå arvekonflikt?
Det hender dessverre at familiar opplever vanskelege konfliktar om arv. Nokre arvingar kan oppleve at oppgjeret er urettferdig, gjerne fordi andre har fått verdiar tidlegare. To nøkkelord for å unngå konflikt er openheit og verdsetting. Openheit rundt fordelinga, og kunnskap om kva verdiar som finst, gjer at det ikkje kjem store overraskingar ved arveoppgjeret. Eit testament som beskriv utdelte forskudd på arv, og avgjerder om kva eigedelar dei enkelte arvingane skal ha, er ofte eit godt verktøy.
Kvifor skrive testament?
Om du ikkje skriv eit testament, er det arvelova som avgjer kven som arvar deg etter at du har gått bort.
Vel du å skrive eit testament, kan du i større grad vere med å påverke kven som skal arve etter deg og korleis arven skal fordelast.
Fleire tema for juridisk hjelp:
Framtidsfullmakt
Kven skal ta vare på interessene dine, den dagen du ikkje klarer det sjølv?
Sambuarkontrakt
Alle sambuarar treng ein sambuarkontrakt.
Juridiske problemstillingar?
I tillegg til hjelp med testamentet kan du få hjelp med andre juridiske problemstillingar. Som kunde får du redusert timepris hos Advokatfirmaet Legalis AS. Timepris: kr 1990,-
