Bli aksjemeklar frå sofakroken
Med aksjesparekonto har det aldri vore enklare å spare i aksjar og aksjefond.
Korleis kan eg få mest ut av sparinga mi?
Det er mange måtar å spare på, og du kan mellom anna velje å
- spare på konto
- spare til bustad i BSU
- mikrospare
- spare til pensjon i pensjonssparekonto
- spare i fond og aksjar
Dette er aksjesparekonto
Å spare i fond og aksjar høyrast kanskje skummelt ut, og noko som berre gjeld aksjemeklarar. Med ein aksjesparekonto er aksjar og fond meir tilgjengeleg og enklare for alle.
Aksjesparekonto er ein konto der du kan samle aksjar og fond. Målet er å gjere det lettare for folk flest å eige, byte, kjøpe og selje aksjar og fond, og ikkje minst at du enkelt får oversikt når alt samlast på ein stad.
Skattefordelen i aksjesparekonto
Oppnår du gevinst, det vil seie at verdien på fond og aksjar har stige og gitt deg avkasting, slepp du å skatte av den så lenge den blir ståande på aksjesparekontoen din. Du kan altså investere gevinsten på nytt utan å måtte betale skatt.
Tidlegare har det vore slik at om du ønsker å selje aksjar og fondsdelar, har du måtte skatte av gevinsten du har oppnådd før du kunne investere pengane på nytt ein annan stad.
Med aksjesparekonto gjeld ikkje dette lenger. Du kan bruke det du har tent til å kjøpe fleire aksjar. Det er først når du tar ut gevinsten frå aksjesparekontoen din at du må betale skatt.
Spare på konto eller kjøpe fond?
Sparing i fond er eit smart val når du skal spare langsiktig. Sparer du i fond kan du forvente høgare avkasting enn om du sparer på ein konto. Med andre ord kan sparepengane dine vekse raskt!
Når du sparer i fond er det viktig å hugse at god tid er nøkkelen til trygg sparing. Held du deg til planen, også i dårlege tider, vil du sannsynlegvis oppnå større avkasting enn ved andre spareformar.
Kom i gang med aksjesparekonto
Ofte stilte spørsmål
Aksjesparekonto er ein konto for deg som vil spare i aksjar og aksjefond.
Ein aksjesparekonto består i praksis av tre delar:
- Ein bankkonto til kjøp, sal og utbytte
- Ein fondsportefølje til aksjefond
- Ein VPS-konto til aksjar og verdipapir
Aksjesparekonto gir deg fridom til å kjøpe, selje og byte fond og aksjar utan å betale skatt undervegs. Det betyr at du kan spare som du vil, og plassere pengane på nytt utan å måtte betale skatt. Du betalar først skatt når gevinsten blir tatt ut av kontoen.
Du kan flytte heile eller delar av ein aksjesparekonto til oss i mobil- eller nettbanken.
Vi tar ingen kostnad for å flytte aksjesparekontoen til oss, men nokre aktørar tar eit gebyr når du vel å flytte aksjesparekontoen ut.
Tips: Du må også flytte spareavtalen!
Har du aksjar, eigenkapitalbevis og aksjefond utanfor ein aksjesparekonto som du vil flytte inn i ein aksjesparekonto, må du selje det du har i dag. Når pengane frå salet er kome på konto, kan du kjøpe aksjefond eller aksjar på nytt i aksjesparekontoen.
Hugs at sal av fond og aksjar medfører skattemessig realisering (gevinst eller tap).
Rettleiing: Slik flyttar du aksjesparekontoen din
Denne rettleiaren viser deg korleis du kan flytte ein eksisterande aksjesparekonto frå ein annan bank til SpareBank 1.
Ja, du får skattefordelar med aksjesparekonto.
Du kan kjøpe, selje og byte aksjar og fond i aksjesparekontoen utan at du må skatte av eventuell gevinst. Du betaler først skatt når gevinsten blir tatt ut av kontoen.
Nokre selskap betalar utbytte til deg som eig aksjar eller eigenkapitalbevis. Utbytte frå aksjar og eigenkapitalbevis skattleggast på lik linje med andre gevinstar. Når utbyttet vert utbetalt, førast det automatisk inn på bankkontoen i din aksjesparekonto. Du må betale skatt på utbyttet du har motteke, men du kan utsetje skatten til du sjølv vel å ta ut meir enn det skattefrie beløpet frå aksjesparekontoen.
Du må betale skatt når du tek ut eit beløp større enn det du har kjøpt aksjefond og aksjar for. I nettbanken og mobilbanken har du full oversikt over aksjesparekontoen, og kva du kan ta ut skattefritt.
For å selje fond i aksjesparekonto, må du gå inn på aksjesparekontoen din i nettbanken eller mobilbanken
Slik går du fram for å selje fond:
- Vel fondet du ønskjer å selje.
- Vel "Selg fond" og fyll ut salsskjema.
Når du sel eit fond på aksjesparekonto, hamnar pengane på bankkontoen knytt til aksjesparekontoen. Grunnen til at det er slik, er at du skal ha moglegheit til å reinvestere pengane dine utan at det går utover det skattemessig frie uttaket ditt.
Etter at du har seld fond, vil det gå inntil seks arbeidsdagar før pengar er tilgjengeleg på kontoen.
Kontoen finn du i visinga for aksjesparekontoen din. Herfrå kan du ta ut og sette inn pengar med umiddelbar verkning.
Ja, det kan du!
Ein aksjesparekonto kan kun gje i gåve i si heilheit. Dersom du ønskjer å dele aksjesparekontoen på fleire barn, eller kun ønskjer å skille ut delar av kontoen, må du fyrst opprette ny(e) aksjesparekonto(er) i ditt eige namn, før du kan flytte kontoen. Ta kontakt med oss, så hjelper vi deg med å overføre aksjesparekontoen (gåva) korrekt.
Sjå også
Kan aksjesparekonto arvast?
Les meir om korleis du kan dele opp aksjesparekontoen.
Kort om avkasting
Historisk avkasting for fond er ingen garanti for framtidig avkasting. Framtidig avkasting avheng mellom anna av marknadsutviklinga, kor dyktig forvaltar er, risikoen til fondet, og dessutan kostnader ved forvaltning og innløysing. Avkastinga kan bli negativ som følge av kurstap.
For deg som handlar fond og verdipapir
Sjå avtalar og retningslinjer
Sjå også
Kjøp og sel aksjar.
Få hjelp til å komme i gang.
Kva sparemåte passar deg og livssituasjonen din?