For deg som handlar fond og verdipapir
Her finn du nyttig informasjon du bør kjenne til før du får investeringsråd eller andre investeringstenester frå oss i SpareBank 1 Sogn og Fjordane.
Investorvern (MiFID II)
Som kunde skal du vere trygg på at interessene dine kjem før interessene til banken.
I 2018 blei MiFID II-regelverket innført. Dette er eit europeisk regelverk, som gir deg som investor større grad av openheit og vern. Hensikta med regelverket er å forbetre både forbrukar- og investorvernet.
Det er viktig at du gjer deg kjent med innhaldet på denne sida
Sjå avtalar og retningslinjer
Banken har konsesjon for følgande investeringstenester: mottak og formidling av ordre på vegne av kunde i samband med eit eller fleire finansielle instrument, omsetning av finansielle instrument for eiga rekning og investeringsrådgjeving. Tenester i tilknyting til valutaverksemd når dette skjer i samband med yting av investeringstenester. Skal banken utføre investeringstenester for deg, ber vi om at du fyller ut og underteiknar kundeavtale, og sender den til banken. Før du underteiknar og sender kundeavtalen, oppmodar vi deg om å gå grundig i gjennom følgjande dokument:
Kundeavtale
Denne avtalen inngåast når du vel å handle gjennom SpareBank 1 Sogn og Fjordane.
Informasjon om finansielle instrument og risiko
Informasjon til kundar som eigenskapar og risiko knytta til finansielle instrument.
Tiltak for beste resultat
Med bakgrunn i det nye Verdipapirhandellova § 10-19, har SpareBank 1 Sogn og Fjordane krav til å gjennomføre alle tilstrekkelige tiltak for å oppnå beste resultat for kunden ved utføring av ordre i finansielle instrument.
Alminnelege forretningsvilkår
SpareBank 1 Sogn og Fjordane følger desse retningslinjene for handel med finansielle instrument.
Informasjon om kundeklassifisering
SpareBank 1 Sogn og Fjordane er etter verdipapirhandellova pålagd å klassifisere alle kundar som banken yter investeringstenester til.
Andre viktige dokument
Under følger oversikt over distribusjonsgodtgjersle frå produktleverandørar og avtale og spesielle vilkår om handel i finansielle instrument i Norne.
Har du ikkje inngått ny kundeavtale, kan du gjere det her
Ny måte å betale for fonda dine
Alle fond blir endra frå bruttofond til nettofond. Du får derfor nye prisar på fondssparinga di, og kan berre kjøpe fond i nettoklasse i mobilbanken og nettbanken. Dette betyr at fonda dine kan endre namn, og at enkelte fond ikkje lenger kan kjøpast.
Kva er MiFID II og kva betyr det for meg?
Kva betyr MiFID II for meg?
MiFID II er det mest omfattande EU-regelverket for finanssektoren nokon gong. Formålet med reglane er å gi betre vern for deg som investerer og sikre ein meir gjennomsiktig investeringsmarknad.
- Du får fleire spare- og investeringsprodukt å velje mellom.
- Det blir strengare kompetansekrav for spare- og investeringsrådgjevarar.
- Kompentansenivået og informasjonen rundt investeringar blir meir likt for heile bransjen.
Verdipapirhandellova medfører at banken ved investeringsrådgjeving til kunden, er pålagd å gjere ei vurdering av om rådgjevingstenesta er eigna for kunden. For å kunne gjere denne vurderinga må banken innhente informasjon frå kunden, om mellom anna kunden sine investeringsmål, evne til å bere risiko og kunden sin kompetanse på området.
Banken er vidare pålagd å avklare om investeringstenestene formidling av ordre i finansielle instrument og omsetning av finansielle instrument for eiga rekning er føremålsteneleg for kunden, basert på kunden si erfaring og kunnskap relatert til risikoen i dei aktuelle investeringstenestene. Banken vil også her måtte innhente informasjon frå kunden for å kunne gjere avklaringa. Sjå Kundeprofilskjema Privat eller Kundeprofilskjema Bedrift.
Vi har dessverre ikkje høve til å tilby ein del investeringstenester, før vi har motteke slike opplysningar frå deg.
Fakta om MiFID II
MiFID II tredde i kraft i EU i januar 2018 og er ei utviding av MiFID I som kom i 2007. Hensikta med lova er å få same grunnleggande reglar i heile Europa for verdipapirhandel og vern for deg som kunde.
