Slik jobbar vi med berekraft
SpareBank 1 Forsikring har som mål å gje deg best mogleg pensjon, på ein berekraftig måte.
Berekraft i SpareBank 1 Forsikring
For å nå dette målet, må vi heile tida vidareutvikle oss som eit berekraftig selskap som tar samfunnsansvar. FNs berekraftsmål gir tydeleg retning på korleis vi kan bidra til ei meir berekraftig verd. Vi skal vere ein pådrivar for berekraftig utvikling og som kunde kan du vere trygg på at vi forvaltar pensjonen din på ein god og berekraftig måte.
Fokus på fire berekraftsmål
FNs berekraftsmål er verda sin felles arbeidsplanen for å utrydde fattigdom, bekjempe ulikskap og stoppe klimaendringane innan 2030.
Vi jobbar for å støtte alle 17 av FNs berekraftsmål, men har valt ut fire av måla som vi har eit ekstra fokus på for å bidra til ei meir berekraftig verd.
Initiativ og medlemsskap
United Nations Principles for Responsible Investments (UN PRI)
UN PRI er det største initiativet for ansvarlege investeringar. Samtidig er UN PRI (med pliktig TCFD rapportering) i dag den beste eigna internasjonale standarden for ESG rapportering. Alle våre eksterne forvaltarar har skrive under på FNs prinsipp for ansvarlege investeringar.
Task force on Climate-Related Financial Disclosures (TCFD)
TCFD er eit rammeverk for klimarisikorapportering. Forbetra forståing av klimarelaterte risikoar og moglegheiter er nøkkelen til å nå 1.5-gradersmålet i Paris-avtalen. Relevant rapportering speler ei avgjerande rolle for å sette finansmarknadene i stand til å prise risiko riktig. TCFD-rapportering har kraft til å auke transparens, noko som gjer marknadane meir effektive.
SpareBank 1 Gruppen har signert UN Global Compact
UN Global Compact inspirerer bedrifter til å gjere
berekraftsutfordringar til konkrete forretningsmoglegheiter, og støtter våre
medlemmer i arbeidet sitt med ansvarleg og berekraftig drift.
SpareBank 1 Forsikring er eit dotterselskap av SpareBank 1 Gruppen, som igjen er eigd av Sparebank 1-bankane og LO.
Vi har signert Kvinner i Finans Charter
Målet til Kvinner i Finans Charter er å auke andelen kvinner i leiande posisjonar i finansnæringa i Noreg.
Likestilling og mangfald er ein viktig del av utviklinga mot eit meir berekraftig samfunn. Sjølv om den positive effekten av auka andel kvinner i leiande posisjonar i næringslivet er godt dokumentert, går utviklinga likevel for sakte.
Vi er derfor stolte av å ha signert Kvinner i Finans Charter. Gjennom å forplikte oss til handling ved konkrete mål og tiltak gjer vi det vi kan for å bidra til at andelen aukar.
Vi har signert grønvaskingsplakaten
Grønvasking er kort forklart at bedrifter promoterer varer eller tenester som grøne eller berekraftige, utan å ha tilstrekkeleg grunnlag for å hevde dette. Det bidrar til å forvirre og villeie bedrifter og forbrukarar som ønsker å ta berekraftige val.
Vi stiller oss bak innhaldet i grønvaskingsplakaten og lovar å gjere vårt ytste for å følge desse prinsippa. Vi vil vere med å bidra til at det grøne skiftet skjer raskare!
Vi støttar Oslokassa
Vi støttar Oslokassa, eit aktiviseringstiltak for menneske med utfordringar knytt til rus og psykisk helse.
Å ha eit meningsfylt innhald i kvardagen er viktig for alle, og Oslokassa gir menneske som har falle utanfor nye moglegheiter og betre livskvalitet. Samtidig er det ei god investering som gir samfunnsmessig avkastning ved å få folk i arbeid og aktivitet.
Oslokassa tilbyr interiørstyling utanom det vanlege, og har pynta lokala våre med mellom anna fleire Wabi Kusa (innandørs miniatyrhagar), postkasser og akvarium.
Ønsker du å vite meir om korleis banken jobbar med berekraft?
Les meir om arbeidet vårt med berekraft
