Starte enkeltpersonføretak
Skal du starte enkeltpersonføretak (ENK)? Her finn du alt du treng å vite for å bli din eigen sjef i eit ENK.
Korleis starta ENK?
For å starte eit enkeltpersonføretak må du:
- vite kva varer og tenester du skal selje
- ha ein fysisk forretningsadresse i Norge (ikkje berre postboks)
- vere minst 18 år, eller over 15 år med løyve frå foreldre eller verje
Er du usikker på om det er ENK eller AS du bør ha? Les meir om forskjellane mellom ENK og AS.
- For å få organisasjonsnummer må du registrere deg i Enhetsregisteret. Det kostar 2.499 kroner.
- Når føretaket er registrert, får du ei melding i innboksen din i Altinn. Behandlingstida kan variere gjennom året. Sjekk behandlingstider hos Brønnøysund.
Planlegg du å ha fleire enn fem tilsette, eller vidareselje varer? Då må du òg registrere deg i Føretaksregisteret hos Brønnøysund. Gjer du dette samtidig som du registrerer verksemda i Enhetsregisteret, kostar dette 2.656 kroner til saman.
Gratulerer med eige firma! Når du har fått organisasjonsnummeret, er du klar for å opne konto til bedrifta.
Vanlege spørsmål
Skal du ha fleire eigarar, investorar, eller søke om offentleg støtte? Då bør du velje AS.
Sett deg inn i dei viktigaste forskjellane mellom ENK og AS – før du registrerer bedrifta.
Enkeltpersonføretak eller ENK er ei selskapsform som er enkel å etablere, gir deg stor fridom, men også noko risiko.
Det viktigaste du må vite er at du som privatperson er ansvarleg for gjeld og forpliktingar i føretaket.
Litt meir om enkeltpersonføretak:
- Er eigd, blir styrt og blir drive av ein person.
- Eigar har fullt personleg ansvar for gjelda og forpliktingane til bedrifta.
- Enkeltpersonføretaket er ein del av privatøkonomien i eigaren. Årsresultatet blir levert inn saman med den personlege skattemeldinga di.
- Du treng ingen startkapital.
- Du kan ikkje vere tilsett sjølv, men du kan ha tilsette.
- Du får mindre pensjon og sjukepengar enn viss du hadde vore tilsett i ei bedrift.
Det kostar 2.499 kroner å registrere enkeltpersonføretaket i Enhetsregisteret. Viss du også må registrere deg i Føretaksregisteret, kostar registreringa i Enhets- og Føretaksregisteret 2.656 kroner om du gjer det samtidig. Viss du òg må registrere deg i Føretaksregisteret, kostar dette 2.120 kroner.
Sjølv om det ikkje er eit krav til startkapital når du startar opp eit ENK, er det lurt å spare til utgiftene som følger med. Kanskje treng du å leige butikk- eller kontorplass?
Vi anbefaler òg å sette av pengar til eit rekneskapsprogram, slik at du enkelt kan fakturere kundar og føre rekneskap.
Viss du skal ha tilsette i enkeltpersonføretaket ditt, er det nokre produkt du er lovpålagt å ha.
Anbefalt for enkeltpersonføretak
Fordi du er personleg ansvarleg for økonomien, er det viktig å skilje privatøkonomien frå bedrifta. Med nettbank bedrift held du orden i sysakene.
Rekneskapsprogram som er enkelt å bruke, og passar godt for enkeltpersonføretak.
Når du driv eit ENK blir du ikkje rekna som ein "vanleg tilsett" som opparbeider seg pensjon. Du bør derfor spare til pensjon sjølv.
Som enkeltpersonføretak kan du forsikre deg mot skader og andre hendingar. Sjå kva forsikringar vi anbefaler til ENK.
Starte bedrift-boka
For deg som skal starte eiga bedrift
Få tips og råd, inspirasjon, metodar og oppskrifter når du skal starte bedrift. Kva må du tenke på, og kva må du gjere for å komme i gang. Tipsa er samla i ein pdf.
Sjå også
Gratulerer med eige firma! Å vere sin eigen sjef gir stor fridom, men også risiko, rapporteringsplikter og fristar. Feir oppstarten i dag! I morgon hjelper vi deg på vegen vidare.
Skal neste generasjon overta? Tenker du på å selje eller avslutte? Sjekk korleis du går fram ved ulike endringar i enkeltpersonføretaket.