AS eller ENK - kva skal du velje?
Når du skal starte for deg sjølv, må du ta stilling til selskapsform. Her får du ei oversikt over dei viktigaste forskjellane mellom aksjeselskap og enkeltpersonføretak.
Enkel samanlikning
Dei viktigaste forskjellane på aksjeselskap og enkeltpersonføretak.
Aksjeselskap (AS)
- Ein eller fleire eigarar
- Fleire formelle krav
- Aksjekapital på minst 30.000 kroner
- Eigarane er berre økonomisk ansvarleg viss dei personleg kausjonerer for lån
- Gir tilsette rett på 100 % av sjukepengegrunnlaget frå første dag
- Tilsette får dagpengar ved arbeidsløyse
- Investorvennlig
- Selskapet kan seljast
Enkeltpersonføretak (ENK)
- Èin eigar
- Få formelle krav
- Ingen aksjekapital
- Eigar er økonomisk ansvarleg
- Sjukepengar frå sjukedag 17 (80 % av sjukepengegrunnlaget)
- Ikkje dagpengar ved arbeidsløyse
- Er lite investorvennleg
- Kan ikkje bli selt, men kan omgjerast til AS
Visste du at...
Som eigar av ENK får du mindre pensjon og sjukepengar enn dine tilsette
Eig du eit enkeltpersonføretak kan du ikkje vere tilsett i eige selskap, men du kan ha tilsette. Det betyr at du som eigar vil ha dårlegare sosiale rettar enn arbeidstakarane dine.
Eig du eit AS kan du tilsetje deg sjølv for å få betre pensjon og sjukepengar
I eit aksjeselskap kan same person vere eigar, styremedlem, dagleg leier og tilsett. Du kan altså tilsetje deg sjølv i selskapet for å få betre sosiale rettar.
Driv du eit enkeltpersonføretak er det ekstra lurt å spare til pensjon
Dersom du driv eit enkeltpersonføretak er du ikkje definert som 'vanleg tilsett'. Du fell derfor utanfor det som heiter obligatorisk tenestepensjon (OTP) der arbeidsgjevar automatisk sparer til pensjon for deg. Å spare til pensjon vil derfor vere viktig.
Skal du søke offentleg støtte og betale lønn til tilsette bør du velje AS
Årsaka er at tilskotsytingar, til dømes Innovasjon Norge, ofte bereknar økonomisk støtte med utgangspunkt i faktiske lønnskostnader.
På Innovasjon Norge og Altinn kan du finne endå meir informasjon
På Innovasjon Norge og Altinn finn du fyldig informasjon dersom du framleis er usikker på kva selskapsform du bør velje.
Eg opplevde at eg ikkje blei tatt seriøst ute i marknaden med eit enkeltpersonføretak.
Lars Morten Myran, Myran Rørservice AS
Vi hjelper deg på vegen
Val av selskapsform gir både moglegheiter og avgrensingar. Ta gjerne kontakt med oss dersom du treng hjelp til å velje selskapsform for forretningsidéen din.
Kva vil du starte?
Slik startar du aksjeselskap - steg for steg.
Slik startar du enkeltpersonføretak - steg for steg.
Viss formålet er av sosial eller ideell art vil det normalt vere ei foreining du skal starte.