Flytte til nye lokale
Å flytte til nye lokale er eit stort steg. Er du sikker på at det er riktig for bedrifta di?
Beskriv kvifor du treng nye lokale og kva som er viktigast.
Finn ut om du bør eige eller leige.
Få oversikt over kostnader og inntekter ved å byte lokale.
Kva er behovet?
Når du tenker at bedrifta treng nye lokale, kan det vere lurt å ha klart for seg kva dei nye lokala skal gjere for bedrifta. Bruk gjerne sjekklista vår før du bestemmer deg for å flytte.
- Kvifor treng du større lokale? Kva treng du, som du ikkje har i dag?
- Passar det med selskapsvisjonen og strategi?
- Kva fasilitetar du treng i samband med lokala?
- Noko du risikerer å miste ved å byte tilhaldsstad? Synlighet, kundetrafikk, parkering, framkomme leverandørar, anna?
- Tenk 5 - 10 år fram. Passar lokala med framtidige planar?
- Har bygget eller området restriksjonar som kan bli til hinder for bedrifta? Døme: Støy, utslepp, høgaste tillatne akseltrykk.
Kva treng du av middel for å gjennomføre?
Kanskje du treng å leasa maskiner og utstyr, eller må ha eit større lån for å komme på plass i nye lokale?
Før du tar på deg nye utgifter bør du setje opp eit reknestykke som viser kva kostnader du har etter flytting og kva du forventar av nye inntekter.
Ta gjerne med dette når du møter rådgivar: Siste rekneskap, likviditetsbudsjett og forretningsplan.
Eige eller leige?
Vurderer du å eige i staden for å leige bør du ha klart for deg kvifor.
Er det ei rein investering? Då bør du sjekke utviklinga i eigedomsmarknaden. Ønsker du å leige ut til andre bedrifter på same eigedom eller ser du strategiske meirverdiar ved å eige? Uansett svar, ha eit klart mål med eigarskapet.
For enkelte kan det vere smart å eige sine eigne bygg, særleg dersom du driv i ein bransje med høge kontantstraumar og lågt investeringsnivå.
