Kven betaler eigenandel ved bruk av burettslaget si forsikring?

Normalt har burettslag og sameige ei eiga forsikring som dekker sjølve bygningen. På same måte som ein huseigar har ein husforsikring. Når denne forsikringa blir teken i bruk er det ikkje uvanleg at det blir ueinighet om kven som skal betale eigenandelen.

Burettslaget/sameiet er forplikta
Det er burettslaget eller sameiget som er forsikringstakar og dermed ansvarleg for at eigenandelen blir innbetalt til forsikringsselskapet. Likevel kan styret i burettslaget krevje at bustadeigar dekker eigenandelen på skader han eller ho er skuld i. Viss bustadeigar nektar å betale, er det lurt av styret i burettslaget eller sameiget å betale eigenandelen for å unngå renter og gebyrer, informerer Therese.

Vedlikehaldsplikt
Har bustadeigar brote vedlikehaldsplikta og forårsaka skade på fellesarealet eller på andre bustader kan bustadeigar bli stilt ansvarleg for å erstatte skadene, ifølge alminneleg erstatningsregel i §5-13 i burettslagslova eller tilsvarende regel i eigarseksjonslova §34.

Skjer ein skade i bustadeigar sin eigen bustad, og det ikkje går utover fellesareal eller andre sin bustad, kan bustadeigar påleggast å betale for eigenandelen ved bruk av forsikringa til burettslaget. Bustadeigar har vedlikehaldsplikt i eigen bustad, og kan difor måtte betale for eventuelle skader i eigen bustad sjølv. Vedlikehaldsplikt i eigen bustad vil seie at du som eigar av bustaden har ansvaret for å reparere og sikre at alt av innvendige flater, vindauger, rør, leidningar, utstyr og apparat er heilt og fungerer som det skal. Her kan styret vise til eigarseksjonslova §32 eller §5 i burettslagslova som handlar om bustadeigar si vedlikehaldsplikt i eigen bustad. 

Ulik praksis blant burettslaga
Korleis betaling av eigenandelen faktisk blir gjennomført varierer frå burettslag og sameige. Kvart burettslag og sameige har sine praksisar, så er du som bustadeigar i tvil, ta kontakt med styret der du bur, seier Therese. 

Vasslekkasjar og vasskader
Vasslekkasjar og vasskader er dei skadene som skjer mest av i burettslag og sameige. Viss burettslaget/sameige har installert smarte vasstopparar vil både eigenandelen og prisen på forsikringa bli lågare. Les meir om korleis de kan sikre sameige/burettslaget med vasstopparar.

Sjå også:

Kva dekker sameige og burettslaget si forsikring?