Gjengen i Kongleriket
I Kongleriket bur det mange dyr som finn på mykje rart. På desse sidene kan du bli betre kjent med alle saman. Vi håpar du likar deg i Kongleriket, og lærer litt om sparing og økonomi på vegen.
Elin Ekorn
Elin Ekorn er svært feminin og ganske jålete. Ho har huset sitt høgt oppe i ei gammal gran. Der held ho alt i flott stand. Det meste av møblar og gardiner går i rosa. Elin går aldri ut utan å ha pynta seg. Skuffer og skap er fulle av sminke, hårspray og stas. Ho er elles effektiv og energisk og har alltid mykje å styre med. Ho er også litt av ein flørt, og Kåre Bjørn er ganske svak for henne. Han har lova at ho skal få kore i bandet hans, til stor irritasjon for Kurt som meinar han har ei finare sangstemme. Elin er elles snill og hjelpsam mot alle, og er glad i å synge og opptre.
Kåre Bjørn
Kåre Bjørn er ein stor, godsleg brunbjørn som elskar boogie. Han spelar bassgitar og bur i ei ungkarshole midt på Skogstorget. Hola ligg inne i ein stor, gammal furustamme. Kåre Bjørn er hjelpsam, avslappa, alltid roleg same kva som skjer. Men han er litt lat, likar ikkje å rydde eller lage mat, men veldig glad i å ete og går ofte på besøk til dei andre for å få seg ein matbit. Han er spesielt glad i alle dei gode matrettane Hjørdis Hjort klarer å diske opp med. Han er glad i gå med solbriller og sørger alltid for å sjå kul ut same kva han gjer. Han elskar alt som har med blåbær å gjere: blåbærpai, blåbærsaft, blåbærte og kanskje også blåbærsalat?
Hjørdis Hjort
Hjørdis Hjort er Konglerikets mamma. Ho er flittig og energisk og bur i ein praktisk og funksjonell heim i ei bjørk. Ho er kjempeflink til å lage mat og bakar, saftar og syltar. Dersom det er nokon som har det vondt i Kongleriket, veit Hjørdis Hjort korleis det skal trøystast og plastrast og blåsast på. Men ho er også streng og er alltid på vakt mot til dømes Apen Albert sine rampestrekar.
Sjiraffen Sverre Moses
Sjiraffen Sverre Moses blei adoptert til Kongleriket for ei stund sidan. Sverre Moses stortrivst, men har vore konstant forkjøla etter at dei flytta til Norge, og går alltid rundt med eit stort skjerf knytt rundt halsen. Han er også i ein permanent tilstand av forundring, men i følgje Apen Albert har ikkje dette noko med Norge å gjere. Han har alltid vore slik, og standarduttrykket er: ”Kva for noko? Er det sant?”
Apen Albert
Apen Albert er rampete, energisk og nysgjerrig. Han er alltid høgt og lågt, umogleg å halde følge med, full av gode idear og apestrekar. Han beundrar bamsen Kåre Bjørn enormt og diltar alltid etter han kvar han går. Han har insistert på å spele trommer i boogiebandet i Kongleriket. Albert bur i lag med Sverre Moses, og då må alltid Albert sprengfyre fordi Sverre Moses frys så lett.
Brede Bre
Brede Bre kjem frå dei høge fjella, men rømde heimanfrå då breen han budde i krympa og han blei uroleg for at han snart ikkje skulle ha nokon heim. Han har budd i Kongleriket ei god stund og er alltid på jakt etter ein ny bre, men har førebels fått bustad i kjøleskapet til Kåre Bjørn som alltid er fullt av isbitar. Han frys støtt, men det er slik han vil ha det. Brede er nesten gjennomsiktig og har blitt forveksla med eit spøkelse. Brede spelar på sag i Kåre Bjørn sitt boogieband, men dessverre spelar han litt falskt.
Relevante produkt til barnet ditt
For deg som vil spare til barnet og sikre ein god økonomisk start.
Barneforsikring
Forsikre det kjæraste du har med Norges beste barneforsikring.
BSU Barn
Bustadsparing utan skattefrådrag, men framleis med god rente.
Fondssparing
Ein god måte å få pengane til å vekse når du skal spare langsiktig.