Må eg ha forsikring på båt?

Nei, det er ikkje påbode med forsikring på fritidsbåtar. Men det er likevel lurt. Sjølv viss du har ein rimeleg båt og ikkje er så redd for å miste den, kan det fort bli dyrt å stå utan forsikring. Du kan bli ansvarleg for skadar som kostar mykje meir enn det sjølve båten kostar. Her er nokre døme på kva ei båtforsikring kan dekke – kostnadar du elles må betale sjølv:

• Båten din tek inn vatn og søkk. Styresmaktene krev at du fjernar vraket.
• Båten din stoppar midt ute på fjorden og du treng hjelp til redning, utan medlemskap i redningsskøyta.
• På grunn av ei svakheit i båtkrybba, veltar båten din under opplag og skadar andre båtar.

Kva forsikring bør alle fritidsbåtar minimum ha?
Vi anbefaler minimum kaskoforsikring, for alle fritidsbåtar. 

Når du køyrer bil, er du alltid ansvarleg for skadar bilen din påfører andre. Med båt er reglane annleis. Du blir berre ansvarleg viss du har vore aktlaus eller gjort ein feil. Her er to døme:

• I ein storm veltar båt A under opplag og skadar båt B. Fordi skaden kjem av vêr og vind, må eigaren av båt B dekke skaden sjølv.
• Båt C kolliderer med båt D på grunn av ein teknisk feil. Eigar av båt C er ikkje ansvarleg, så eigaren av båt D må betale for skadane sjølv.
  

Desse døma viser kvifor kaskoforsikring på båten er viktig. Viss du ikkje har kasko på båten, må du ofte betale for skadar på din eigen båt – sjølv om du ikkje har gjort noko gale.