Treng du å skilje mellom den private økonomien din og jobbutlegg? Eller kanskje du vil dele eit kredittkort med sambuaren? Då kan det vere lurt å ha to kredittkort.
Når er det lurt med fleire kredittkort?
Når du vil dele kredittkortet ditt med nokon
- Det kostar ikkje noko å bestille tilleggskort til sambuar, ektefelle eller ein venn.
- Saman kan de få Pengar tilbake på alle varekjøp, og få betre kontroll på utlegg i kvardagen.
- Du står som hovudansvarleg med full oversikt og betalingsansvar.
Effektiv rente 23,9 %. Låner du 15.000 over 12 månader, kostar det 1.518, og du betaler totalt 16.518 kroner.
Når du skal ha orden på jobbrelaterte utlegg
- Med eit eige kredittkort separat frå privatøkonomien får du betre oversikt og orden på utlegg og reiserekningar.
- Du sparer tid og gjer det enkelt å skrive reiserekning
- Det kostar deg ikkje noko å skaffe deg eit ekstrakort, og kortet har dei same vilkåra som ditt ordinære Mastercard
Effektiv rente 23,9 %. Låner du 15.000 over 12 månader, kostar det 1.518, og du betaler totalt 16.518 kroner.
Tilleggskort
Kva er tilleggskort?
- Med eit tilleggskort deler du kredittramma og fordelane i kredittkortet med til dømes andre i husstanden. Gjer det enklare å få oversikt og dele felles utgifter
- Viss du som eig hovudkredittkortet har aktivert Pengar tilbake (Cashback) vil de òg få pengar tilbake når de bruker tilleggskortet.
- Du kan ha inntil 5 tilleggskort.
- Den som skal ha tilleggskortet må vere over 18 år, men treng ikkje å vere kunde hos oss.
Korleis søker eg om tilleggskort?
- Du som eig eit Mastercard hos oss søker om tilleggskort i nettbanken eller mobilbanken. Når du har logga inn trykker du på kredittkortet ditt, deretter Fordelar og Tilleggskort
- Den personen som skal ha tilleggskortet vil deretter bli kredittvurdert.
- Både du som er korthaldar og tilleggskorthaldar må signere avtale om tilleggskort.
- De får begge beskjed både på SMS og e-post når kortet er innvilga.
Kva bør eg som korthaldar vite om tilleggskort?
- Du er økonomisk ansvarleg for bruken av tilleggskortet
- Hovudkort og tilleggskort har felles kredittgrense
- Du som er korthaldar blir fakturert for all bruk, også det som tilleggskorthaldar har brukt
- Du ser alle betalingane som er utførte, både med eige kort og på tilleggskortet
- Du kan når som helst avslutte eit tilleggskort
Kva kan tilleggskorthaldar gjere?
Personen som har tilleggskortet kan:
- Sjå oversikt over disponibelt beløp (ikkje saldo eller kredittramme)
- Sjå oversikt over eigne transaksjonar
- Ha moglegheit til å overføre frå kort til konto med gebyr
- Melde reklamasjonssak på eigne transaksjonar
- Sperre tilleggskortet
- Ha tilgang til å vise PIN-kode for tilleggskortet
- Sette regionsperre for tilleggskortet
Kva PIN-kode får vi på tilleggskortet?
- Dersom tilleggskorthaldar har bankkort i SpareBank 1, vil tilleggskortet få same PIN-kode som bankkortet.
- Viss tilleggskorthaldar ikkje har bankkort i SpareBank 1, vil han/ho få ein tilfeldig valt PIN-kode.
- Tilleggskorthaldar kan gå inn i SpareBank 1 nettbanken sin eller mobilbank og finne PIN-koden sin der, uavhengig om han/ho har nettbankavtale i SpareBank 1 eller ikkje.
Mastercard Extra
Kva er Mastercard Extra?
- Med Mastercard Extra har du eit ekstra kredittkort i bakhand, som passar godt viss du ønsker å skilje reiserekningar og jobbutlegg frå dine eigne private utgifter.
- Kortet kan nyttast som reservekort, til dømes på reiser og feriar. Viss du skulle miste eller bli fråstole kortet du vanlegvis nyttar, slik at du må sperre det, kan du bruke Mastercard Extra som nødkort.
- Det ekstra kredittkortet har same vilkår og fordelar som ditt vanlege Mastercard.
- Maksimal kredittgrense er 150.000 kroner.
- Treng du også ekstra kort til andre enn deg sjølv på same avtale? Då kan du bestille eit tilleggskort.
Kva fordelar får eg med Mastercard Extra?
- Reise- og avbestillingsforsikring er inkludert
- Eigenandelsforsikring på leigebil inntil 12.000 kroner
- Inntil 20 % rabatt på leigebil frå AVIS
- Gebyrfritt kontantuttak i utlandet
- Inntil 45 dagars rentefri kreditt
- Lik PIN-kode som på bankkortet
- Ingen årsgebyr
- Moglegheit for å søke om tilleggskort
- Full oversikt i nett- og mobilbank.
- Smartklokke-betaling med Fitbit- og Garmin Pay når du handlar
Kva lurer andre på?
Du kan bestille til den du vil, til dømes ektefelle, sambuar, familie eller venner. Vedkommande må vere over 18 år.
Tilleggskort kan berre bestillast til andre personar enn deg sjølv.
Sjå Mastercard Extra viss du ønsker eit ekstra kredittkort til deg sjølv.
Jepp! Alle fordelar du har aktivert på kredittkortet ditt får òg tilleggskortet, inkludert Pengar tilbake og forsikringar.
Du vil ha oversikt over all bruk, både av ditt eige kort og tilleggskort. Den du har gitt tilleggskort til vil berre sjå sin eigen bruk.
Samanlikn prisar
Du kan samanlikne prisane våre med prisar frå andre selskap på Finansportalen.no