– Hugs melding til Brønnøysund etter årsmøtet

Det er tid for årsmøte i lag og foreiningar. – Hugs å sende oppdaterte opplysningar fortast mogleg til Enhetsregisteret i Brønnøysund, oppmodar Bedriftssenteret i SpareBank 1.

Styret i mange lag og foreiningar forvaltar til dels store fellesverdiar på vegner av medlemmene sine. I samband med dette oppstår det gjerne behov for å etablere eit banksamband.

Som ei bedrift

Alle lag og foreiningar må vere registrert med eige organisasjonsnummer i Einingsregisteret i Brønnøysund for å opprette ein bankkonto.

På same måte som i ei bedrift, vel medlemmene nokre personar til å sitje i eit styre og gir desse (eller andre) fullmakt til å ta avgjerder på vegner av medlemmene (eigarane). Det er ansvaret til banken å sjå til at det berre er dei personane som medlemmene har bestemt, som får tilgang til midla i foreininga og kan disponere desse. Då er det opplysningane i Enhetsregisteret i Brønnøysund som gjeld, og det er dette banken forheld seg til.

Tusenvis av lag og foreiningar

– Vi har tusenvis av lag og foreiningar som kundar. Når vi no går inn i "høgsesongen" for årsmøte, med mellom anna val av nye styremedlemmer, er det viktig at oppdaterte opplysningar blir sendt Enhetsregisteret i Brønnøysund fortast mogleg, seier banksjef John Retzius, som er leier av Bedriftssenteret i SpareBank 1 Østlandet. 

Kvifor så viktig?

Alle lag og foreiningar i Enhetsregisteret pliktar fortløpande å melde frå om endringar. Men kvifor er det så viktig?

– Henvender ein nyvalgt kasserer seg til banken etter årsmøtet, sjekkar vi opp mot Enhetsregisteret for å få stadfesta at han faktisk har verv og fullmakter i foreininga, eller kven som kan gi han fullmakt til å til dømes å disponere kontoane til foreininga i nettbanken. Om foreininga på førehand ikkje har oppdatert med nytt styre, og kven som har fullmakter, får den nye kassereren dessverre ikkje utretta noko som helst i banken før dette er gjort, opplyser John Retzius.

Lag og foreiningar må altså sjølv legitimere dei nye styremedlemmene sine ved å melde inn riktige opplysningar til Enhetsregisteret. Først etter at dette er gjort, kan banken ordne med ting som disposisjonsrett og liknande. Oppdaterte opplysningar om styret kan meldast til Brønnøysundregisteret i ei samordna registermelding via Altinn.

Anbefaler prokurist

SpareBank 1 anbefaler at lag og foreiningar tildeler prokura til éin eller fleire personar. Ein prokurist har same rettar som ein dagleg leiar. Vi godtar per i dag signatur frå styreleiar viss dagleg leiar ikkje er oppnemnt. Dersom styreleiar ikkje er til stades, må heile styret signere.

Nettbank bedrift

Alle klubbar, lag og foreiningar må ha eigen nettbank bedrift. Ordninga ved at utbetalingar skjer gjennom den private nettbanken til disponenten, er opphøyrt. For å ta vare på sikkerheita, er det moglegheit for dobbel godkjenning av utbetalingar i nettbank bedrift.