Telepay betalingsfiler blir fasa ut han 01.10.24

Frå 01.10.2024 blir ISO 20022 XML ny standard for korleis betalingsfiler blir sendt til banken. Gamle format som Telepay og NDR (Nets Direkte Remittering) blir fasa heilt ut, og kan ikkje brukast etter denne datoen.

Kva betyr det for deg som kunde?

Viss du har rekneskapsprogram/ERP-system knytt opp mot banken, må du sjekke om leverandøren støttar ISO 20022 XML. Gjer dei ikkje det må du legge ein plan saman med systemleverandør for korleis du får oppgradert, eller konvertert til ein versjon som handterer ISO 20022 XLM.

 

Kvifor endrar vi?

ISO 20022 XML er innført som ein meldingsstandard for betalingsmeldingar, mellom anna for at norske bankar skal vere tilpassa EU regelverket og krav i Finansavtaleloven. Alle bankar tilbyr allereie ISO 20022 XML meldingar for filbaserte betalingstenester og cash management meldingar. 

Tidlegare har vi også innført ISO 20022 XML som filformat for euro-betalingar.

Du kan også lese meir på Bits (tidlegare Bankenes Standardiseringskontor)

Ofte stilte spørsmål

  • Dagens format for innsending av betalingsfiler (Telepay og Edifact) blir erstatta av den nye ISO-standarden, ISO 20022 XML. Dette filformatet blir òg brukt for å sende andre betalingsoppdrag enn euro-betalingar.

  • SEPA og ISO-standardiseringen gjer betalingsformidlinga meir effektiv og forutsigbar. Betalingane vil innehalde same informasjon gjennom heile betalingsløpet, og det blir dermed mindre behov for manuell oppfølging og avstemming. Dette gjer at både pengane og informasjonen kjem raskare fram til betalingsmottakar innan EU/EØS.

    Nye meldingar på det nye formatet gjer òg at ein kan få meir informasjon om betalingane enn ein får i dei gamle formata.

  • Leverandøren din av ERP/økonomisystem kan hjelpe deg med å sette opp systemet riktig.

    Viss du bruker eigenutvikla system, finn du meir informasjon hos Bits (tidlegare Bankenes Standardiseringskontor), der du òg kan sjekke filene dine via ei lenke til Bits-standard. Når filene er validerte tar du kontakt med banken for å avtale oppstart av innsending. 

  • Nei, du må ikkje endre noko enno, men det blir tilbode ISO-meldinger (camt.053 og camt.054c) som vil gi meir informasjon samla i filer frå banken. 

  • Systemleverandøren oppgraderer for å kunne ta i bruk dei nye moglegheitene som ISO 20022 gir, også på innlandsbetalingar. Kontakt leverandøren for å høyre kva fordelar de får med dette. Vi oppmodar uansett alle bedrifter til å gå over til nytt filformat så snart som mogleg fordi dei gamle filformata vil bli fasa ut den 01.10.2024. 

  • I første omgang vil vi legge til rette for dei meldingstypane som lova krev: pain.001, pain002 og camt.054d. I tillegg blir det òg tilrettelagt for camt.055 og camt.029, som er ofte brukt i offentleg sektor. Andre meldingstypar vil komme etter kvart.

    Forklaring på dei ulike meldingstypane:

    - Pain.001: betalingsoppdrag som blir sendt til banken.

    - Pain.002: kvitteringsfil frå banken som angir om mottatt oppdrag kan gjennomførast, eller om det inneheld feil (svarer til mottaks- og avvisningsretur).

    - Camt.029: resultat av kansellering som blir sendt frå banken (som svar på camt.055). 

    - Camt.053: kontoutskrift

    - Camt.054c: kreditmeldingar (innbetalingar). Blir samanlikna med Cremul.

    - Camt.054d: debetmelding som blir sendt betalar når betalingsdag (forfall) for betalinga skjer og beløp blir overført til mottakar (svarer til avregningsretur).

    - Camt.055: stoppeanmodning eller kanselleringsmelding for tidlegare innsendt betalingsoppdrag som enno ikkje er gjennomført.