Kva betyr den nye finansavtalelova for bedriftskundar?
Ny finansavtalelov tredde i kraft 1. januar 2023. Den nye lova inneber få endringar for deg som bedriftskunde.
Kvifor kjem det ei ny lov?
Bedrifta sine avtaler gjeld framleis og blir fornya på same måte som tidlegare.
Hovudformålet i den nye lova er å styrke forbrukarvernet og førebygge gjeldsproblem for privatpersonar.
Mange av reglane som vernar privatkundar i finansavtalelova gjeld ikkje for næringsdrivande. Lova tar utgangspunkt i at næringsdrivande er betre i stand til å forstå innhald og konsekvensar i avtaler, enn det ein privatkunde er.
Få endringar for bankavtalane til bedrifta
Ny lov inneber få endringar for næringsdrivande, men nokre av pliktene til banken gjeld også overfor næring. Dette gjeld krava til innhald i avtaler og førehandsopplysningar, som blir oppfylte når du signerer avtalen til bedrifta med banken.
På Finans Norges nettsider kan du lese meir om kva lova betyr for næringsdrivande:
Kva med enkeltpersonføretak?
Eig du eit enkeltpersonføretak, og til dømes søker om lån, gjer du dette enten som privatperson eller som næringsdrivande. Det er kva du søker om lån til, eller kva sikkerheit du stiller for lånet, som bestemmer om det fell inn under næring eller ikkje.
Reglane for næring gjeld når
- formålet med lånet hovudsakleg ligg innanfor din forretningsverksemd, til dømes lån til bygningar for verkstad, butikk eller kontorlokale
- lånet er knytt til driftsmidlar i enkeltpersonføretaket ditt
- sikkerheita du stiller er hovudsakleg knytt til næringsverksemda di
Reglane for privatkunde gjeld når
- sikkerheita du stiller for lånet er knytt til deg som privatperson
- du tar opp vanlege lån til bustad, privat bil eller kort