Har du opplevd feil eller ukjente transaksjonar på konto, kredittkortet eller bankkortet ditt, eller blitt belasta for ein vare som du ikkje har fått? Då kan du få tilbake pengane dine med ein reklamasjon.
Reklamasjon kort og konto
Korleis får eg pengar tilbake med reklamasjon?
For å få pengane tilbake registrerer du ei klage. Dette heiter å sende inn ein reklamasjon og du gjer det enkelt i mobilbanken eller nettbanken.
Døme på når du kan krevje refusjon (berettiga krav)
- Du har blitt svindla
- Du får ikkje vara/tenestene du har bestilt
- Vara er skada, øydelagt eller ikkje som beskrive
- Du har kjøpt ei merkevare, men får ein piratkopi
- Seljaren respekterer ikkje angreretten din
- Seljaren har ikkje kreditert som avtalt
- Blir du framleis belasta for eit abonnement du har sagt opp?
- Reisa blir kansellert av flyselskapet/reisebyrå
- Seljaren har gått konkurs
Viss du har betalt for leigebilen på nettet, kan du reklamere enten du har betalt med bankkort eller kredittkort. Med kredittkort er du i tillegg verna mot svindel når du bruker kortet på fysisk utsalsstad.
Gjeld reklamasjonen transaksjon frå kort eller overføring frå konto?
Kortreklamasjon
Du kan klage og krevje refusjon på transaksjonar utført med Mastercard kredittkort eller VISA bankkort ved å sende inn ein reklamasjon i nettbanken eller mobilbanken.
Kortreklamasjon for Mastercard
Logg inn for å registrere reklamasjon
Framgangsmåte:
- Under menypunktet Kort, finn du kortet det gjeld (ligg under Meir i mobilbanken).
- Under Mastercard trykker du Vis meir under kortet, vel knappen Val og finn Reklamasjon i rullegardinmenyen under kortet.
- Følg rettleiinga for å fylle ut og sende inn reklamasjonen.
Kortreklamasjon for VISA bankkort
Logg inn for å registrere reklamasjon
Framgangsmåte:
- Under menypunktet Kort, finn du kortet det gjeld (ligg under Meir i mobilbanken).
- Finn Reklamasjon i menyen under kortet.
- Følg rettleiinga for å fylle ut og sende inn reklamasjonen.
Kontoreklamasjon
Har det har blitt trekt pengar frå bankkontoen din som du ikkje kjenner til eller har godkjent, kan du reklamere for å få pengane tilbake.
Reklamasjon på konto
- Kontakt oss umiddelbart på telefon 57 82 97 00 og gi beskjed om situasjonen.
- Send inn ein reklamasjon og legg ved så mykje bevis som mogleg for å vise at transaksjonen var feilaktig.
- Vi vil undersøke saka og gi deg beskjed om resultatet. Viss du er berettiga ein refusjon vil pengane bli sett tilbake på kontoen din.
Får du ikkje meldt inn klagen i din mobilbank eller nettbank?
Kontakt oss på telefon 57 82 97 00 så hjelper vi deg.
Type reklamasjonar og framgangsmåtar
Før du registrerer ei klage til banken kan det vere ulike steg du må utføre i forkant av reklamasjonen i tillegg til å ha det som kallast eit berettiga krav (gyldig krav). Under ser du døme på kva du må gjere om du har blitt svindla eller eit selskap er konkurs.
Svindel
Eg er utsett for svindel
Er kortet ditt misbrukt?
Er kortet ditt misbrukt, må du sperre kortet umiddelbart og melde saka til politiet. Mistenker du at også din BankID er misbrukt, kontakt oss på 57 82 97 00 for å få den sperra.
For å få pengane tilbake registrerer du ei klage med å sende inn ein kortreklamasjon. Kortet ditt vil bli sperra automatisk om du reklamerer på transaksjonar du ikkje har gjort sjølv. Du kan då sende inn reklamasjon med ein gong.
Er kontoen din misbrukt?
Har du oppdaga ei mistenkeleg overføring på kontoen din utan å bruke kort? Då må du umiddelbart ta kontakt med oss på 57 82 97 00 for å sperre eventuelt BankID.
For å få pengar tilbake ved svindel på konto, må du sende inn ein reklamasjon på overføringar som ikkje er gjort av deg sjølv. Vi treng grundig og god informasjon for å kunne vurdere saka di, så fyll ut all den informasjonen du har. Send gjerne med vedlegg av samtalelogg eller liknande.
- Hugs at du bør alltid melde saka til politiet om din BankID er misbrukt.
- Gjeld det Vipps-transaksjonar, må du kontakte Vipps.
Eg mistenker svindel
Har du ei dårleg magekjensle, eller har du oppdaga at du er utsett for svindel? Ta kontakt med oss med ein gong på 57 82 97 00. Jo kortare tid det tar før vi får beskjed, desto raskare kan vi ta tak i saka og prøve å få stoppe transaksjonen.
Etter at du har snakka med oss, kan du gjerne vidaresende svindel-e-post eller annan type svindel du er utsett for til tipsadressa vår nettsvindel@sparebank1.no.
Refusjon ved konkurs
Når kan eg krevje pengane tilbake ved konkurs?
Har du kjøpt ei vare eller teneste frå eit selskap som har gått konkurs før du har fått varet/tenesta (t.d. flyselskap) kan du rette eit krav om å få beløpet refundert.
For å få tilbake pengane dine må du ha gjort følgande:
- Brukt kredittkort eller vanleg bankkort (debetkort).
- Handla hos ein næringsdrivande og ikkje privatperson.
- Du må ha eit berettiga krav (gyldig krav).
- Du må ha prøvd å løyse saka med seljar først.
Dersom alle føresetnader er innfridde kan du opprette ein reklamasjon.
Konkurs ved reise/fly
Enkeltreise via flyselskap:
Har du bestilt enkeltreise via konkursramma flyselskap på kredittkort eller bankkort vil ikkje reisegarantifondet dekke tapet – då må du registrere ei reklamasjonssak.
Dette gjer du ved å følge rettleiinga for kortreklamasjon øvst på sida. Vidare vel du alternativet «Eg har bestilt reise frå eit selskap som har gått konkurs».
Du må som regel først rette eit skriftleg krav om tilbakebetaling frå flyselskapet eller bubestyrar som du legg ved i reklamasjonen.
Du skal ikkje melde krav til reisegarantifondet så lenge det er ein enkeltreise som er bestilt. Her skal du berre legge ved ein kopi av ordrestadfestinga frå flyselskapet. Reisegarantifondet dekker berre pakkereiser.
Refusjonen gjeld for flybilletten. Andre utgifter som hotell/overnatting, arrangement som til dømes konsertar eller liknande, blir ikkje dekt verken av kortreklamasjonen eller forsikring.
Reise via reisebyrå:
Har du kjøpt ei pakkereise frå ein turoperatør som nyttar konkursramma flyselskap til transport, må du ta kontakt med turoperatøren. Dei ordnar med ny transport eller refunderer pengane.
Reiseforsikring
Reiseforsikringa gjeld normalt ved avbestilling av reise, sjukdom, forseinking, tjuveri med meir. Den dekker derimot ikkje konkurs – det er det ingen forsikringar som gjer.
Festivalar og arrangement
Dersom ein festival eller anna arrangement går konkurs og du ikkje får refundert pengane frå arrangør eller bubestyrar, kan du reklamere via banken.
Hugs å sende ved dokumentasjon på konkursen og forsøket på å krevje pengane frå arrangør eller bubestyrar.