BankID er ikkje berre eit ekstra tryggingsledd du må igjennom når du loggar inn i mobil- eller nettbanken. Han er mykje meir enn det, og her kan du lese om kvifor du ikkje kan låne den bort til nokon - ikkje eingong den næraste familien din.
Derfor kan du ikkje låne bort din BankID
Les meir
Nei, du må ikkje låne bort din BankID - fordi BankID er den digitale legitimasjonen din og underskrifta di.
Dette er veldig viktig å tenke litt over, for det betyr at i staden for kulepenn, papir og pass, kan du bruke BankID som legitimasjon og signering på nett.
BankID er deg, og det er derfor vi er så strenge med kven som bruker den. Akkurat som passkontrollen ikkje slepp deg gjennom viss du held opp passet til ein annan person.
Og sidan du kan bruke BankID til viktige ting som både signering av dokument, pantsetje bustad, få tilgong til helseopplysningar, fond og ei rekke andre tenester, kan du ikkje låne den bort.
Oppdagar vi at du har lånt han bort, vil vi av sikkerheitsårsaker sperre kontoen og BankID'en din. Dette gjeld dessverre uansett om du treng hjelp til innlogging eller viss du låner BankID'en til ektefellen din for å kunne styre utbetalingar.
Du kan enkelt dele tilgong til ein konto i mobilbanken eller nettbanken.
- I oversikta trykker du på kontoen du vil gi tilgong til.
- Mobilbanken. Trykk på ikonet av tannhjulet oppe i høgre hjørne.
Nettbanken: Trykk på fana Kontoinnstillingar - Trykk på (+) knappen under kategorien Kontodeling.
Du vel her samtidig kor mykje kontroll personen
skal ha over den delte kontoen:
- Kontoutskrift: Du kan gi personen berre tilgong til å sjå kontoutskrifta.
- Innsyn: Du kan gi tilgong til å sjå aktivitet på kontoen og overføre pengar til kontoen, men ikkje flytte pengar ut av kontoen.
- Disponent: Du kan gi vedkommande full tilgong til å gjere alt på same måte som deg. Han eller ho loggar inn med sin BankID i sin eigen nettbank, og kan der sjekke saldo, betale rekningar, overføre pengar mellom kontoar, opprette Avtalegiro osb.
Den du vil dele konto med må vere kunde hos oss og kunne logge seg inn i nettbanken vår og mobilbank.
Les meir: Bli disponent
Døme på kvar du kan bruke BankID
Offentlege nettsider
Du kan bruke BankID til innlogging og signering i omtrent alle offentlege nettstader – med høgaste tryggingsnivå (Altinn, NAV, Skatteetaten, helsenorge.no, kommunar, fylkeskommunar m. m)
Forsikring, sparing og lån
BankID er praktisk fordi du no slepp å måtte dra ned til banken for å teikne forsikring, opprette sparekonto eller signere lånedokumenter. Du kan gjere alt heimefrå.
Fond og finans
Kjøp og sal av fond, og opprette finansieringsavtalar.
Eigedom
Du kan bruke dem i bodgjeving, signere leigekontraktar, bustadlån m.m
Nettbutikkar
Du kan bruka BankID til å verifisere betalingar i ulike nettbutikkar eller logge deg på kundesider.
Medlemsorganisasjonar
Ein del klubbar og organisasjonar har lukka sider du må bruke BankID for å få tilgang til. Slik får berre dei som faktisk er medlemmer tilgang til desse sidene.
Handel og service
BankID blir brukt som verifisering av kven du er, viss du til dømes sel ting på Finn.no, og du kan stadfeste identiteten din i apper som til dømes Brun og Blid.
Post og telekommunikasjon
Du kan nytte BankID ved innlogging i den digitale postkassa di Digipost. Du kan i tillegg melde adresseendring med BankID.