Trond Teigene
Administrerande direktør
Trond Teigene (1968) er administrerande direktør i SpareBank 1 Sogn og Fjordane, og har vore det sidan våren 2016. Han kom frå stillinga som direktør for Strategi og Forretningsutvikling. Teigene begynte i Sparebanken Sogn og Fjordane i 2000. Han sit i styret i Balder Betaling AS. Teigene har ein mastergrad i strategisk leiing frå Handelshøyskolen BI.
Linda Vøllestad Westbye
Direktør privatmarknad
Linda Vøllestad Westbye (1979) har vore direktør for privatmarknaden sidan mai 2018. Ho kom frå stillinga som avdelingsdirektør i Lotteri- og Stiftelsestilsynet. Ho hartidlegare og jobba i Landsforeningen for Trafikkskadde og ved Universitet i Bergen. Westbye sit i styret for Eigedomsmekling Sogn og Fjordane AS, Bustadkreditt Sogn og Fjordane AS og Norsk Tipping AS. Ho har ein mastergrad i sosialantropologi frå Universitetet i Bergen.
Roy Stian Farsund
Direktør bedriftsmarknad
Roy Stian Farsund (1975) har vore direktør for bedriftsmarknaden sidan januar 2021. Han kom frå stillinga som banksjef for bedriftsmarknaden i Sunnfjord. Farsund starta i banken i 2008 og har tidlegare jobba i Nordea. Farsund har ein mastergrad i strategileiing frå Handelshøyskolen BI, og sit i styret i SpareBank 1 Finans Midt-Norge AS.
Frode Vasseth
Direktør økonomi og finans
Frode Vasseth (1977) har vore direktør for økonomi og finans sidan 2013. Han kom frå stillinga som direktør for forretningsstøtte. Vasseth har jobba i Sparebanken Sogn og Fjordane sidan 2002. Vasseth sit i styret i Bustadkreditt Sogn og Fjordane AS, Eiendomskreditt AS og Fjord Invest AS. Han er utdanna siviløkonom og har ein MBA i finans frå Norges Handelshøyskole.
Eirik Rostad Ness
HR-direktør
Eirik Rostad Ness (1969) har vore direktør for HR sidan 2017. Han kom frå stillinga som hovudtillitsvald i banken. Han har jobba i banken sidan 2009, og har tidlegare jobba som landssekretær i Norges Røde Kors og rådgjevar i Barne- og familiedepartementet og i Stiftelsestilsynet. Han sit i styret i Eigedomsmekling Sogn og Fjordane AS. Han har ein Cand. polit. grad i Samfunnsgeografi frå Universitetet i Oslo
Reiel Haugland
Direktør strategiske prosjekt
Reiel Haugland (1981) har vore direktør for teknologi sidan 2016, men gjekk i fjor over i stillinga som prosjektleiar i SB1 prosjektet. I denne jobben har Haugland ansvaret for prosjektet knytt til banken sin overgang til SpareBank 1-alliansen. Når dette er fullført skal han tilbake i jobben som teknologidirektør. Han starta som trainee i 2007,og sidan det har han mellom anna vore fagsjef forretningsutvikling. Haugland sit i styret til Eigedomsmekling Sogn og Fjordane AS og er medlem i Advisory Board iNCE Finance Innovation. Han har ein bachelor frå Høgskulen i Volda og ein mastergradi teknologi og innovasjon frå Norges Handelshøyskole.
Johanne Viken Sandnes
Kommunikasjonsdirektør
Johanne Viken Sandnes (1983) har vore leiar for marknad og kommunikasjon sidan mai 2018. Ho vart kommunikasjonsdirektør i juli 2022. Sandnes starta i banken i november 2017, og har tidlegare jobba som kommunikasjonsrådgjevar i TV 2 og i Knowit. Sandnes sit i styret i Framtidsfylket. Ho har ein bachelor frå Høgskulen i Volda, og starta på Master of management-programmet på BI hausten 2022.
Harald Slettvoll
Leiar risikostyring og etterleving
Harald Slettvoll (1974) har vore leiar for risiko og etterleving sidan 2017. I perioden 2008-2016 arbeidde han også med risikostyring i banken, i tillegg til at han i seks av åra var dagleg leiar for dotterselskapet Bustadkreditt Sogn og Fjordane AS. Før han vart tilsett i banken, arbeidde han som høgskulelektor ved Høgskulen i Sogn og Fjordane. Slettvoll tok utdanninga si som samfunnsøkonom ved Universitetet i Bergen.
Jill Aasen Hole
Fungerande teknologidirektør
Jill Aasen Hole (1993) har vore fungerande teknologidirektør sidan november 2023. Jill starta i banken i 2019, og var dei fire første åra prosjektleiar og forretningsutviklar. Tidlegare har ho jobba som administrativ assistent for administrerande direktør i Coast Seafood i Måløy. Jill er sivilingeniør i industriell økonomi og teknologileiing frå NTNU.
