Háliidat go bargat Davvi-Norgga ovddas?

Riikaoasi iežas báŋkun mii beroštit aktiivvalaččat váikkuhit ovdáneapmái davvin. Dát lea daningo mii jáhkkit ahte stuora doaimmaid sáhttá álggahit Davvi-Norggas. Min višuvdna lea Bargat Davvi-Norgga ovddas, ja dat geatnegahttá. Mii leat báŋku mii lea lahka ovttaiduvvon ealáhus- ja servodateallimii, mii lea min kundariid lahka, ja dahkat mearrádusaid báikkálaččat. 

Leago dus váibmu mii ravká Davvi-Norgga ovddas? Dalle mii áinnas háliidit du mielde riikaoasi iežas báŋkui. Min márkanguovlu lea oassin sámi guovllus. Mii beroštit leat sajis sámi báikegottiin, ja leat buorre báŋkooktavuohtan sámi ealáhusdoaimmaide ja sámi personkundariidda. Min kundarat sáhttet oažžut ráđđeaddima davvisámegillii. Danin mii dárbbašit nai bargiid geat hupmet sámegiela. 

Makkár bargovejolašvuođaid gávnnat min luhtte? 

Min luhtte beasat ovttasbargat birrasiid 800 čeahpes ja barggánis bargoustibiiguin riikaoasis. Eanas mielbargit barget njuolga kundariiguin juogo person- dahje fitnodatmárkanis. Dasa lassin mis leat virggit, ja namuhastit dás nugo analysas, márkanfievrredeamis ja gulahallamis, finánssas, ekonomiijas, HR:s, IT:s, riskastivremis ja complicances. Konseartnas mis leat maid muhtun jođiheaddjivirggit.

Finánsakonseartnas leat bivnnuhis bargovejolašvuođat maiddái min nieidaservviin, earret eará opmodatsoabaheamis, rehketdoallobálvalusain ja ráđđeaddimis, aktiiva hálddašeamis, loanain ja leasingas.

Loga eambbo min nieidaservviid birra dáppe