Når du betaler med kort i butikkar og restaurantar utanlands, skal du alltid få valet om du ønsker å betala i norske kroner eller den utanlandske valutaen. Den beste kursen får du ved å velje den lokale valutaen.
– Viss du vel norske kroner når du betaler eller tar ut pengar, set brukarstaden kursen. Denne kursen er alltid dårlegare enn om du lèt Visa eller Mastercard setja kursen, seier forbrukarøkonom Magne Gundersen i SpareBank 1.
Visa og Mastercard har den beste vekslingskursen på marknaden. Dette gjer at det blir billegare for deg å betala i lokal valuta – òg medrekna valutapåslaget.
Say no to conversion!
I minibanken i utlandet får du kanskje valet mellom «conversion» og «no conversion». Også når du bruker kortterminal, kan du bli spurd om du godtar «conversion» – altså omregning til norske kroner. Tommelfingerregelen gjeld uansett: bruk valutaen til det landet du er i. Ikkje norske kroner. Då slepp du dessutan gebyr.
– Det er det same om du er på svenskehandel eller i søren. Viss du godtar å bli belasta i norske kroner der og då, risikerer du å få ein dårleg vekslingskurs. Det taper du på, seier Gundersen.
Pass på at du får valet
vel du å betala i norske kroner, er det altså restauranten eller butikken du handlar i som bestemmer vekslingskursen. Då drar dei gjerne på litt, og gir deg ein ekstra dårleg kurs slik at dei tener nokre ekstra kroner på kjøpet. Nokre brukarstader legg opp til at du skal betala i norske kroner, som om det er det einaste valet du har.
Det er det ikkje.
Du skal alltid kunna velja å betala i lokal valuta.
Huskeregel
Sjå for deg at du skulle betalt med kontantar i ein kiosk i Spania. Ville du lagt norske kroner på disken?
Vel lokal valuta – alltid. Enkelt og greitt.
Smart kortbruk på utenlandsreise:
- Ta med to kort – eitt kredittkort og eit vanleg bankkort. Ikkje ta vare på dei saman. Skulle du mista eitt, har du eitt i reserve.
- Det lønner seg som oftast å bruke kort i staden for å ta ut pengar og betala kontant.
- Betal alltid i lokal valuta og ikkje i norske kroner. Då får du den beste kursen. Betaler du i norske kroner, kostar det deg som regel 2–10 % meir.
- treng du utanlandske kontantar, ta dei ut i minibank i utlandet i staden for i Noreg. I Noreg får du dårlegare kurs og ofte høgare gebyr.
- Uttak av valuta i minibank blir som oftast billegare enn å veksla eller ta ut kontantar på vekslingskontor. Hugs uansett å bli belasta i lokal valuta og ikkje norske kroner, såg slepp du gebyr.
- Betal minst halvparten av reisa med kredittkort – då har du reiseforsikring inkludert.
- Bruk kredittkort når du bestiller leigebil – då har du egenandelsforsikring inkludert. Punkterer du eller får steinsprut, kan det fort kosta skjorta. Då nyt du godt av forsikringa som dekker inntil 12.000 kroner i egenandel.
- Betaler du med kredittkort, er det ikkje dine eigne pengar du risikerer viss kortet hamnar i galne hender. Fleire rettar og betre klagemoglegheiter viss du blir utsett for svindel på reisa
Priseksempel ved utsett betaling: